Gujarati News

ચેન્નાઈ : કેનેડાના કેલગરીમાં સ્થાયી થયેલા પરંપરાગત તમિલ બ્રાહ્મણ પરિવારમાંથી આવતા સુબિક્ષા સુબ્રમણિને બાંગ્લાદેશની રૂઢિચુસ્ત હિંદુ છોકરી ટીના મળી અને થોડા વર્ષોના સહવાસ પછી તેઓએ લગ્ન કરવાનું નક્કી કર્યું.

આ યુવતીઓ છ વર્ષ પહેલા કેનેડાના કેલગરીમાં એક એપ દ્વારા મળી હતી.

લગ્ન પરંપરાગત બ્રાહ્મણ શૈલીમાં અને સુબિક્ષા અને ટીના બંનેના પરિવારોના સંપૂર્ણ સમર્થન સાથે સંપન્ન થયા હતા. 29 વર્ષીય ચાર્ટર્ડ એકાઉન્ટન્ટ સુબિક્ષાએ મીડિયાને જણાવ્યું હતું કે તેણીને ચિંતા હતી કે તેના રૂઢિચુસ્ત માતાપિતા તેમને પરંપરાગત હિન્દુ શૈલીમાં લગ્ન કરવાની મંજૂરી આપશે કે કેમ?

ટીના, 35 વર્ષીય હિન્દુ બાંગ્લાદેશી યુવતીએ મીડિયાને જણાવ્યું હતું કે તે તેના માતાપિતા સાથે 2003 માં કેનેડા પહોંચી હતી અને તેની મોટી બહેન દ્વારા હોસ્ટ કરવામાં આવી હતી. ટીના હવે ફૂટહિલ્સ મેડિકલ સેન્ટર, કેલગરીમાં પેશન્ટ કેરમાં લીડ તરીકે કામ કરી રહી છે.તેવું એન.આર.આઈ.પલ્સ દ્વારા જાણવા મળે છે.