Gujarati News

ન્યુદિલ્હી : અમે જાણીએ છીએ કે સ્ટ્રીટ વેન્ડિંગ એ ભારતમાં વર્ષો જૂની પ્રવૃત્તિ છે. ઘણા લોકો તેના ઉપર નિર્ભર છે. તેમછતાં અમે નથી ઈચ્છતા કે તે જોખમી બની જાય તેવા નિર્દેશ સાથે દિલ્હી હાઇકોર્ટે સ્ટ્રીટ વેન્ડર્સ એક્ટ મુજબ સિટી પ્લાન તૈયાર કરવા રાજ્ય સરકારને સૂચના આપી છે.

દિલ્હી હાઈકોર્ટે સોમવારે નવી દિલ્હી મ્યુનિસિપલ કાઉન્સિલ (NDMC) તેમજ દિલ્હી સરકાર સહિત સ્થાનિક સત્તાવાળાઓને સ્ટ્રીટ વેન્ડર્સની કલમ 21 (આજીવિકાનું રક્ષણ અને સ્ટ્રીટ વેન્ડિંગનું નિયમન) મુજબ સિટી પ્લાન તૈયાર કરવાની પ્રક્રિયા શરૂ કરવાનો નિર્દેશ
જસ્ટિસ વિપિન સાંઘી અને અમિત બંસલની ડિવિઝન બેન્ચે આદેશ આપ્યો છે..

"એનડીએમસી જેવા સ્થાનિક સત્તાવાળાઓએ દિલ્હી સરકાર સાથે મળીને કાયદાની કલમ 21 મુજબ યોજના તૈયાર કરવાની પ્રક્રિયા શરૂ કરવી જોઈએ. આ અંગે તેમના દ્વારા લેવામાં આવેલા પગલાં કોર્ટ સમક્ષ મૂકવામાં આવે. આજે કોર્ટ સમક્ષ હાજર અધિકારીઓ હવે હાજર રહેવાની જરૂર નથી. અમારા દ્વારા કરવામાં આવેલ આદેશનો અમલ કરવામાં આવે.
કોર્ટે તેના અગાઉના આદેશોનું પાલન ન કરવા પર પણ નારાજગી વ્યક્ત કરી હતી.

કોર્ટે કહ્યું, "આને 'નો-હોકિંગ' અને 'નો-સ્ક્વેટિંગ' ઝોન તરીકે જાહેર કર્યા હોવા છતાં, આ વિસ્તારોનો હજુ પણ ઉપયોગ કરવામાં આવી રહ્યો છે. આને સંપૂર્ણપણે પરવાનગી આપી શકાતી નથી. કૃપા કરીને અમારા છેલ્લા આદેશનું પાલન કરો," કોર્ટે કહ્યું.

કોર્ટ સ્ટ્રીટ વેન્ડર્સ એક્ટની જોગવાઈઓને પડકારતી દિલ્હીના કનોટ પ્લેસ, નેહરુ પ્લેસ અને સરોજિની નગર માર્કેટના વિવિધ વેપારીઓ અને સ્ટ્રીટ વેન્ડર એસોસિએશનો દ્વારા દાખલ કરાયેલી લગભગ બે ડઝન અરજીઓની સુનાવણી કરી રહી હતી.

આ ખરેખર શહેર આયોજન અને નગર આયોજનનું એક પાસું છે. IIT, DDA, School of Architecture ના લોકોનો સાથ લઈને ચાલો જે અમુક પ્રકારની યોજના લઈને સ્ક્વોટર્સની વસ્તીને સંતુલિત કરે. કૃપા કરીને યોજના તૈયાર કરવાની કવાયત શરૂ કરો.તેવી સૂચના આપી હતી.

એડવોકેટ મેહરાએ 18 નવેમ્બર, 2021 પહેલા કોર્ટ સમક્ષ તેની બ્લુપ્રિન્ટ મૂકવાનું વચન આપીને જવાબ આપ્યો હતો.તેવું બી.એન્ડ બી.દ્વારા જાણવા મળે છે.