Gujarati News

નવી દિલ્હી :ભાજપના પૂર્વ પ્રવક્તા નુપુર શર્મા દ્વારા પૈગંબર મોહમ્મદપર  કરવામાં આવેલી વિવાદાસ્પદ ટિપ્પણી બાદ હંગામો અટકવાનું નામ નથી લઈ રહ્યો. વિશ્વના મોટાભાગના ઇસ્લામિક દેશોએ આ બાબતે ભારત સરકાર સામે પોતાનો વિરોધ દર્શાવ્યો છે. આ દરમિયાન હવે વિદેશ મંત્રાલયનું નિવેદન સામે આવ્યું છે. વિદેશ મંત્રાલયના પ્રવક્તા અરિંદમ બાગચીએ કહ્યું છે કે કોઈના અંગત મંતવ્યો ભારત સરકારના મંતવ્યો નથી. વિદેશ મંત્રાલયના પ્રવક્તાએ ઈરાનના વિદેશ પ્રધાન અને એસ જયશંકર વચ્ચેની વાતચીત વિશે પણ વાત કરી. તેમણે સ્પષ્ટ કર્યું કે બંને દેશોના વિદેશ મંત્રીઓ વચ્ચેની બેઠકમાં પૈગંબર મોહમ્મદ પર કરવામાં આવેલી વિવાદાસ્પદ ટિપ્પણીનો મુદ્દો ઉઠાવવામાં આવ્યો નથી. પરંતુ, ઈરાને દાવો કર્યો હતો કે આ બેઠકમાં આ બાબત ઉઠાવવામાં આવી છે.

વિદેશ મંત્રાલયના પ્રવક્તા અરિંદમ બાગચીએ એક પ્રેસ કોન્ફરન્સ કરીને પૈગંબર મોહમ્મદ વિશેની વિવાદાસ્પદ ટિપ્પણી પર થયેલા હંગામા પર પ્રતિક્રિયા આપી છે. તેમણે સ્પષ્ટપણે કહ્યું છે કે, અમે સ્પષ્ટ કરવા માંગીએ છીએ કે કોઈની ટ્વીટ અને ટિપ્પણીઓ ભારત સરકારના વિચારોને પ્રતિબિંબિત કરતી નથી. આ વાત અમારા તમામ ઇન્ટરલોક્યુટર્સને પણ જણાવવામાં આવી છે. તેમણે કહ્યું કે એ પણ સ્પષ્ટ છે કે વિવાદાસ્પદ ટીપ્પણીઓ અને ટ્વીટ કરનારા લોકો સામે સંબંધિત એજન્સીઓ દ્વારા કાર્યવાહી કરવામાં આવી છે.

ઈરાન દ્વારા એવો દાવો કરવામાં આવ્યો છે કે તેના વિદેશ મંત્રીની ભારત મુલાકાત દરમિયાન પૈગંબર મોહમ્મદના અપમાનનો મુદ્દો ઉઠાવવામાં આવ્યો હતો અને રાષ્ટ્રીય સુરક્ષા સલાહકાર અજીત ડોભાલે આ બાબતમાં તમામ દોષિતોને કડક સજા આપી છે. ઈરાન તરફથી એવો દાવો કરવામાં આવ્યો છે કે અજીત ડોભાલે મીટિંગ દરમિયાન કહ્યું છે કે સરકારી સ્તરે ગેરરીતિ કરનારાઓ સાથે એ રીતે કાર્યવાહી કરવામાં આવશે.

ભારતની મુલાકાતે આવેલા ઈરાનના વિદેશ મંત્રી હુસૈન અમીર અબ્દુલ્લાહિયને વડાપ્રધાન નરેન્દ્ર મોદી અને વિદેશ મંત્રી એસ જયશંકર સાથે મુલાકાત કરી હતી. બંને પક્ષોએ લાંબા સમયથી ચાલતા સાંસ્કૃતિક સંબંધોને ગાઢ બનાવવા અંગે ચર્ચા કરી હતી. વિદેશ મંત્રી એસ જયશંકર અને ઈરાનના વિદેશ મંત્રી અબ્દુલ્લાહિયન વચ્ચેની બેઠક દરમિયાન અફઘાનિસ્તાન, યુક્રેન અને અન્ય પ્રાદેશિક અને વૈશ્વિક મુદ્દાઓ પર ચર્ચા થઈ હતી. આ સાથે તેમણે વ્યાપાર, આરોગ્ય, લોકો વચ્ચેના સંપર્કો સહિતના દ્વિપક્ષીય સંબંધોની સમીક્ષા કરી હતી.