Gujarati News

Gujarati News

News of Monday, 10th May 2021

અરે વાહ...૫ દિ'માં પહેલીવાર ૨૪ કલાકમાં કોરોનાના કેસનો આંકડો ૪ લાખ અંદર નોંધાયો

૨૪ કલાકમાં ૩૬૬૧૬૧ નવા કેસઃ ૩૭૫૪ લોકોના મોત

નવી દિલ્હી, તા. ૧૦ :. દેશમાં કોરોનાની બીજી લહેરે કોહરામ મચાવ્યો છે. કોરોના વાયરસના વધતા ગ્રાફ વચ્ચે છેલ્લા ૨૪ કલાકમાં કોરોનાથી થોડી રાહત મળતી જોવા મળી છે. નવા દર્દીઓનો આંકડો પાંચ દિવસમાં પહેલીવાર ૪ લાખથી નીચે આવ્યો છે. છેલ્લા ૨૪ કલાકની વાત કરીએ તો દેશમાં કોરોનાના ૩ લાખ ૬૬ હજાર ૧૬૧ નવા કેસ સામે આવ્યા છે. આ દરમિયાન ૩૭૫૪ લોકોએ જીવ ગુમાવવા પડયા છે.

અત્યાર સુધીમાં કુલ ૨૪૬૧૧૬ લોકોના કોરોનાથી મોત થયા છે. દેશના કુલ કેસ ૨૨૬૬૨૫૭૫ થયા છે. જ્યારે હાલ સારવાર લેતા દર્દીઓની સંખ્યા ૩૭૪૫૨૩૭ થઈ છે. જ્યારે ૧૮૬૭૧૨૨૨ લોકો સાજા પણ થયા છે. મહારાષ્ટ્રમાં સૌથી વધુ કેસ છે. રવિવારે ૪૮૪૦૧ નવા કેસ સામે આવ્યા હતા અને ૫૭૨ લોકોના મોત થયા હતા. રાજ્યમાં કુલ મોતનો આંકડો ૭૫૮૪૯નો થયો છે.

(11:06 am IST)
  • પુડ્ડુચેરીના મુખ્યમંત્રી કોરોનામાં સપડાયા : ખાનગી હોસ્પિટલમાં દાખલ : પુડ્ડુચેરીના મુખ્યમંત્રી એન રંગાસામીનો કોરોનાવાયરસ ટેસ્ટ રિપોર્ટ પોઝિટિવ આવ્યાનું લેફ્ટનન્ટ ગવર્નર સચિવાલયએ જાહેર કર્યું છે. તેઓ ખાનગી હોસ્પિટલમાં સારવાર લઇ રહ્યા છે. જેના પગલે લેફ્ટનન્ટ ગવર્નર સુંદરરાજને પણ કોવિડ ટેસ્ટ કરાવી લીધો છે, તેમને કોઈ જ કોરોનાનો લગતા લક્ષણો ન હોવા છતાં આજે ટેસ્ટ કરાવ્યો છે. તેમણે વેકિસનેશન પણ લઈ લીધેલ છે access_time 4:09 pm IST

  • ફાસ્ટ બોલર ચેતન સાકરીયાના પિતા કાંતિભાઈનો જીવનદીપ કોરોનાએ બૂઝાવ્યો : રાજસ્થાન રોયલ્સ તરફથી આઈ. પી.એલ. ક્રિકેટ મેચમાં રમી રહેલ અને મુળ ગુજરાતના ભાવનગરના વતની તથા ફાસ્ટ બોલર ચેતન સાકરિયાના પિતા કાંતિભાઈ(ઉ.૪૨)નું કોરોનાના કારણે દુઃખદ અવસાન થયું. લાંબા સમયથી ભાવનગર હોસ્પિટલમાં કોરોના સામે ઝઝૂમી રહ્યા હતા. access_time 3:50 pm IST

  • કોરોનાથી રાજકોટ શહેરમાં આજે થોડી રાહત વર્તાઈ અને ગ્રામ્ય વિસ્તારમાં કોરોનાએ જબરો ફુફાડો માર્યો : આજે સાંજ સુધીમાં રાજકોટ શહેરમાં 351 અને ગ્રામ્યના અધધધ 395 કેસ સાથે કુલ 746 નવા કોરોના ના કેસ નોંધાયા access_time 7:49 pm IST