Gujarati News

Gujarati News

News of Thursday, 10th September 2020

સમગ્ર વિશ્વની નજર આ મહત્વની બેઠક પર

મોસ્કોમાં ભારત અને ચીનના વિદેશ પ્રધાનો વચ્ચે મુલાકાત

સરહદે સ્થિતિને સામાન્ય કરવાની દિશામાં ચર્ચા થઈ શકેઃ કોઈ રસ્તો પણ નીકળી શકે છેઃ બંને દેશના વિદેશ પ્રધાનો શંઘાઈ સહયોગ સંગઠનની બેઠકમાં સામેલ થવા મોસ્કોમાં છે

મોસ્કો, તા.૧૦: ચીની સરહદે તણાવ વચ્ચે આજે રશિયાના મોસ્કોમાં ભારત  અને ચીનના વિદેશ પ્રધાનો વચ્ચે મુલાકાત થવાની છે. જેના પર સૌની નજર મંડાયેલી છે.. વિદેશ પ્રધાન એસ. જયશંકર અને ચીનના વિદેશ પ્રધાન વાંગ યી વચ્ચે થનારી મુલાકાત સરહદે સ્થિતિને સામાન્ય કરવાની દિશામાં ચર્ચા થઈ શકે છે.

એક તરફ એલએસી પર બંને દેશોના સૈનિકો કેટલાક મીટરની અંતરે જ આમને-સામને તૈનાત છે. તેવામાં બંને દેશોના વિદેશ પ્રધાનની મુલાકાત મહત્વની બની રહે છે. એસ. જયશંકર અને વાંગ યી વચ્ચેની મુલાકાતમાં મોદી અને જિનપિંગ વચ્ચે બેઠક કરવાને લઈને કોઈ ચર્ચા થાય તેવી પણ આશા છે.

ભારત-ચીન વચ્ચે તણાવ વધ્યો છે. ઉલ્લેખનીય છે કે રેઝાંગ-લામાં ચીેન સળી કર્યા પછી હવે ભારત અને ચીનના સૈનિકો સામસામે આવી ગયા છે. રેઝાંગ લા પાસ વિસ્તારમાં તો બન્ને દેશના સૈનિકો વચ્ચે માંડ ૨૦૦ મિટરનું અંતર છે. બન્ને દેશના સૈનિકો એકબીજાની રાઈફલની ફાયરિંગ રેન્જમાં જ છે. સામાન્ય રીતે ચીન એલએસી પર બન્ને દેશના સૈનિકો આટલા નજીક હોતા નથી. રેઝાંગ લા ખાતે ચીને હુમલાનો પ્રયાસ કર્યા પછી ભારતે સતર્કતા દાખવી છે અને એરફોર્સના ફાઈટર તથા ટ્રાન્સપોર્ટ વિમાનના આંટા-ફેરા વધી ગયા છે. ફાઈટર વિમાનો આકાશી પેટ્રોલિંગ કરે છે, જયારે સી-૧૭ ગ્લોબમાસ્ટર જેવા કદાવર ટ્રાન્સપોર્ટ વિમાનો સૈન્ય સામગ્રીની હેરાફેરી કરે છે.

(11:10 am IST)
  • દ્વારકા શહેરના પી.આઈ કોરોનાથી સંક્રમિત : હોમ આઇસોલેશન થયા access_time 11:10 pm IST

  • ભરૂચ :અંબિકા જવેલર્સમાં થયેલી લુંટનો ભેદ ઉકેલાયો : પોલીસે ચાર આરોપીઓની કરી ધરપકડ : ચાર પૈકી એક આરોપી ટેકસટાઇલ એન્જીનીયર: ઝડપાયેલા આરોપીઓ મૂળ યુ.પી.ના અને હાલ સુરતના રહેવાસી:પોલીસે લૂંટમાં ગયેલ મુદ્દામાલ રિકવર કર્યો:લૂંટ બાદ આરોપીઓ સુરતથી અવધ એક્સપ્રેસ ટ્રેનમાં બેસી ભાગવાની ફિરાકમાં હતા access_time 2:24 pm IST

  • ક્રિકેટ જગતના પિતામહ રણજીતસિંહનો આજે જન્મદિવસ : 10 સપ્ટે. 1872 ના રોજ જન્મ થયો હતો : તેમના નામે દેશમાં રણજી ટ્રોફી રમાય છે.અકસ્માતે એક આંખ ગુમાવતા ફર્સ્ટ ક્લાસ ક્રિકેટમાંથી નિવૃત્તિ લીધી હતી access_time 11:45 am IST