Gujarati News

Gujarati News

News of Thursday, 10th September 2020

હાઇકોર્ટોએ સુપ્રીમને આપી માહિતી

દેશમાં નેતાઓ સામે ૪૪૪૨ ગુનાહિત કેસો

નવી દિલ્હી તા. ૧૦ : દેશભરમાં રાજકીય નેતાઓ સામે ૪૪૪૨ ગુનાહિત કેસોમાં સુનાવણી ચાલી રહી છે. તેમાંથી ૨૫૫૬ કેસો વર્તમાન સાંસદો અને ધારાસભ્યો સામે ચાલી રહ્યા છે. સુપ્રીમ કોર્ટને બધી હાઇકોર્ટો દ્વારા ઉપલબ્ધ કરાવાયેલા આંકડાઓથી આ ખુલાસો થયો છે. સુપ્રીમ કોર્ટ સંસદ અને વિધાનસભાઓમાં ચુંટાયેલા જન પ્રતિનિધિઓ સામે ગુનાહિત કેસોને જલ્દી નિર્ણય કરવા બાબતે વિચાર કરવા માટે થયેલ એક અરજીની સુનાવણી કરી રહી છે.

આના માટે સુપ્રીમ કોર્ટે બધી હાઇકોર્ટોના રજીસ્ટ્રાર જનરલોને નેતાઓ વિરૂધ્ધ ચાલી રહેલા કેસોની માહિતી આપવાનો આદેશ કર્યો હતો. આ કેસમાં એમિકસ કયુરી સીનીયર વકીલ વિજય હંસારીયાએ બધી હાઇકોર્ટોમાંથી મળેલી માહિતી ભેગી કરીને પોતાનો રિપોર્ટ સુપ્રીમ કોર્ટને સોંપ્યો છે. રિપોર્ટમાં કહેવાયું છે કે કુલ ૪૪૪૨ કેસ ચાલી રહ્યા છે. જેમાંથી ૨૫૫૬ કેસોમાં વર્તમાન સાંસદ અને ધારાસભ્ય આરોપી છે. ૨૫ પાનાના સોગંદનામામાં કહેવાયું છે કે તેમાં સંડોવાયેલા જનપ્રતિનિધિઓની સંખ્યા કેસો કરતા વધારે છે. કેમકે એક કેસમાં એકથી વધારે જનપ્રતિનિધિઓ સંડોવાયેલા છે. ભાજપા નેતા અને વકીલ અશ્વિની ઉપાધ્યાયની જાહેરહિતની અરજી પર કોર્ટના આદેશથી આ રિપોર્ટ રજુ કરાયો છે.

(10:36 am IST)
  • મોદી અને આબે વચ્‍ચે જાપાન - ભારત શિખર મંત્રણા ટેલીફોન ઉપર યોજાઈ હતી : બંને દેશના સશષા દળોએ એગ્રીમેન્‍ટ સાઈન કર્યા છે access_time 5:55 pm IST

  • દેશમાં પ્રવર્તતી બેરોજગારીને લઇને મોદી સરકાર વિરુદ્ધ દેખાવમાં સામેલ થયેલા બિહારના પૂર્વ મુખ્યમંત્રી અને આરજેડીના નેતા રાબડીદેવી, તેના પુત્રો તેજસ્વી યાદવ અને તેજપ્રતાપ યાદવ નજરે પડે છે. બરાબર રાત્રે નવ વાયાને નવ મિનિટે તેમણે ફાનસ સળગાવી વિરોધ પ્રદર્શિત કરેલ. access_time 10:03 pm IST

  • ક્રિકેટ જગતમાં મોટો ખળભળાટ : સાઉથ આફ્રિકા ક્રિકેટ બોર્ડને વિખેરી નખાયું : ત્યાંની સ્થાનિક ઓલમ્પિક બોડીને ક્રિકેટ બોર્ડને વિખેરી નાખીને પોતાના હસ્તક લીધું :સાઉથ આફ્રિકા આંતર રાષ્ટ્રીય ક્રિકેટમાંથી બહાર થઇ શકે access_time 12:52 am IST