Gujarati News

Gujarati News

News of Thursday, 10th September 2020

મોદીએ સાઉદી કિંગ સલમાન સાથે ફોન પર કરી વાત ચર્ચા

વૈશ્વિક પડકારો પર થઇ ચર્ચા :બન્ને નેતાઓ દ્વિપક્ષીય સંબંધોની સ્થિતિ પર સંતોષ વ્યકત કર્યો

નવી દિલ્હી,તા.૧૦: પ્રધાનમંત્રી નરેન્દ્ર મોદીએ બુધવારે સાઉદી અરબના કિંગ સલમાન બિન અબ્દુલઅઝીઝ અલ અઉદ સાથે ફોન પર વાત કરી. પ્રધાનમંત્રી કાર્યાલય(PMO)એ જણાવ્યું કે, વાતચીત દરમિયાન બન્ને નેતાઓએ કોરોના મહામારીને ધ્યાને રાખતા ઉદ્ભવેલા વૈશ્વિક પડકારો પર પોત-પોતાના વિચારો શેર કર્યા.

પીએમઓએ જણાવ્યું કે, પ્રધાનમંત્રી મોદીએ જી-૨૦ સમૂહની ચાલી રહેલી અધ્યક્ષતા માટે સાઉદી અરબ તરફથી ઉપલબ્ધ કરાવવામાં આવેલા નેતૃત્વના વખાણ કર્યા. બન્ને નેતા આ વાત પર સહમત થયા કે જી-૨૦ સ્તર પર લેવામાં આવેલા નિર્ણયોએ કોરોના વિરૂદ્ઘની લડાઇ વધારવામાં મદદ કરી.

પ્રધાનમંત્રી કાર્યાલયે જણાવ્યું કે, બન્ને નેતાઓમાં દ્વિપક્ષીય સંબંધોની સ્થિતિ પર સંતોષ વ્યકત કર્યો અને તમામ ક્ષેત્રોમાં મદદને વધુ મજબૂત કરવા માટે પ્રતિબદ્ઘતા વ્યકત કરી. પ્રધાનમંત્રીએ કોરોના દરમિયાન અધિકારીઓ દ્વારા ભારતીય પ્રવાસીઓને ઉપલબ્ધ કરાયેલા સમર્થન માટે તેમનો આભાર માન્યો.

(11:39 am IST)
  • જમ્મુ-કાશ્મીરઃ જૈશના બે આતંકીની ધરપકડઃ ભારે માત્રામાં શસ્ત્રો અને દારૂગોળો જપ્ત : જમ્મુ-કાશ્મીરના કુપાવાડા પોલીસે જૈશ-એ મોહમદ સંગઠનના બે ત્રાસવાદીઓની ધરપકડ કરી છે તેમની પાસેથી ભારે માત્રામાં શસ્ત્રો અને વિસ્ફોટક જપ્ત કરવામાં આવ્યા છે અને રોકડ પણ જપ્ત કરવામાં આવી છે access_time 3:52 pm IST

  • દેશમાં પ્રવર્તતી બેરોજગારીને લઇને મોદી સરકાર વિરુદ્ધ દેખાવમાં સામેલ થયેલા બિહારના પૂર્વ મુખ્યમંત્રી અને આરજેડીના નેતા રાબડીદેવી, તેના પુત્રો તેજસ્વી યાદવ અને તેજપ્રતાપ યાદવ નજરે પડે છે. બરાબર રાત્રે નવ વાયાને નવ મિનિટે તેમણે ફાનસ સળગાવી વિરોધ પ્રદર્શિત કરેલ. access_time 10:03 pm IST

  • મુંબઈના મેયર કિશોરી પેડનેકરનો કોરોના ટેસ્‍ટ પોઝીટીવ આવ્‍યો છે : તેણે કહેલ કે તે એ સીમ્‍ટોમેટીક છે access_time 5:53 pm IST