Gujarati News

Gujarati News

News of Thursday, 10th September 2020

ફિલ્મ અભિનેત્રી કંગના રણૌતની ઓફિસ અમે નહીં, BMCએ તોડી છે: શિવસેનાના પ્રવક્તા સંજય રાઉત

ડિમોલેશનમાં શિવસેનાના પ્રવક્તા સંજય રાઉતના હાથ અદ્ધર

મુંબઈ, તા. ૧૦ : ફિલ્મ અભિનેત્રી કંગના રણૌતની ઓફિસ પર બુલડોઝર ફેરવવામાં આવ્યા બાદ કંગના અને શિવસેના વચ્ચેના ટકરાવથી તનાવ વધી ગયો છે. એક તરફ મહારાષ્ટ્રના રાજ્યપાલ ભગતસિંહ કોશિયારી મુંબઈ કોર્પોરેશનના પગલાંથી નારાજ છે તો શિવસેનાના પ્રવક્તા અને જેમના કારણે આ સમગ્ર વિવાદની શરૂઆત થઈ હતી તે સંજય રાઉતે હાથ અધ્ધર કરી દીધા છે. ગુરૂવારે રાઉતને આ અંગે સવાલ કરવામાં આવ્યો હતો ત્યારે તેમણે કહ્યું હતું કે, કંગનાની ઓફિસ પર કોર્પોરેશને કર્યવાહી કરી છે અને શિવસેનાને તેની સાથે કોઈ લેવા-દેવા નથી.આ મામલા પર તમે મેયર કે બીએમસી કમિશનર સાથે વાત કરો. મીડિયા રિપોર્ટ પ્રમાણે એ પછી સંજય રાઉત ઉધ્ધવ ઠાકરેના નિવાસ સ્થાન માતોશ્રી ખાતે પહોંચ્યા છે.જ્યાં પાર્ટીની આગામી રણનીતિ અંગે ચર્ચા વિચારણા થશે.

(9:24 pm IST)
  • ઉધ્ધવ સે 'પંગા'? કંગના રનૈાત વિરૂધ્ધ પોલીસ ફરીયાદ :અપમાનજનક ભાષાનો ઉપયોગ કર્યો હોવાનો મૂકાયો આરોપ :બોલિવૂડ અભિનેત્રી કંગના રનૌત અને મહારાષ્ટ્રના મુખ્યમંત્રી ઉદ્ઘવ ઠાકરેની વચ્ચેનો વિવાદ વધતો જઈ રહ્યો છે. કંગના સતત ઉદ્ઘવ અને શિવસેના ઉપર હુમલો કરી રહી છે. તો બીજી તરફ મુંબઈની બાક્રોલી પોલીસ સ્ટેશનમાં કંગનાની વિરૂદ્ઘ આપત્ત્િ।જનક ટિપ્પણીને લઈને કેસ દાખલ કરવામાં આવ્યો છે. સીએમ ઉદ્ઘવ ઠાકરે ઉપર આપત્ત્િ।જનક ટિપ્પણી કરવામાં આવતા કેસ દાખલ કરવામાં આવ્યો છે access_time 3:52 pm IST

  • રાજકોટઃ દેના બેંક જાગનાથ શાખામાં આજે પાંચ કર્મચારીઓને કોરોના થયાનું બહાર આવતા બેંક બે દિવસ માટે બંધ કરવા નિર્ણય access_time 12:44 pm IST

  • સુરતમાં ધોધમાર વરસાદ :સુરત શહેરમાં છેલ્લી અડધી કલાકથી ઘોર દોડ સહિત સંખ્યાબંધ વિસ્તારોમાં વિજળીના કડાકા ભડાકા સાથે ભારે વરસાદ ચાલુ છેે: ફરી ચોમાસુ જામ્યું હોય તેવો માહોલ સર્જાયા હોવાનું સુરતથી કુશલ ઠકકરે જણાવ્યુ છે. access_time 3:53 pm IST