Gujarati News

બિહારમાં વિધાનસભા ચૂંટણીના પરીણામોમાં ભારે રસાકસી જોવા મળી રહી છે. રાત્રે 8 વાગ્યે પરિસ્થિતિ મુજબ 243 બેઠકમાંથી 41નું પરિણામ જાહેર થઇ ગયું હતું. જેમાંથી 15 ભાજપ અને 10 રાજદના ફાળે ગઇ છે. જ્યારે જદયુ 7 અને કોંગ્રેસે 3 બેઠક પર કબજો કર્યો હતો.

બિહારમાં 21 બેઠકો 1000થી ઓછા માર્જિનવાળી છે. જે પરિણામોમાં ઉલટફેર કરી શકે છે. જેમાંથી 16 બેઠકો પર મહાગઠબંધન આગળ છે. આમ તો મોડી રાત્રે અથવા આવતા કાલે સવારે ફાઇનલ પરિણામ આવી શકે છે.

સાંજે 7.30 કલાક સુધી 80 ટકા બેઠકો પર ગણતરી પુરી થઇ ગઇ હતી. દરમિયાન ગૃહમંત્રી શાહે મુખ્યમંત્રી નીતીશકુમાર સાથે ફોન પર વાત કરી હતી. પરિણામોમાં જદયુનો રકાસ થતાં અને ભાજપ બીજો સૌથી મોટો પક્ષ તરીકે ઉભરતા નીતીશકુમારના મુખ્યમંત્રીપદ પર સવાલ ઊઠવા લાગ્યા હતા. યુપીની ભાજપ નેતા મનોજ ઝાએ તો એટલે સુધી કહી દીધું હતું નીતીશકુમારનો મુખ્યમંત્રીપદ માત્ર થોડા કલાકો માટે છે.

બિહારની જે બેઠકો પર 1000થી પણ ઓછા મતોનું અંતર છે, તેના પર એક નજર

• ક્રમ               બેઠક               લીડિંગ પાર્ટી           માર્જિન
• 1.            રામગઢ                     રાજદ                    189
• 2.            મઢૌરા                      રાજદ                    193
• 3.            ભૌરે                         જદયુ                     320
• 4.           સિવાન                     રાજદ                     413
• 5.           માધેપુરા                    રાજદ                    455
• 6.           બકસર                    કોંગ્રેસ                     508
• 7.           ગાયઘાટ                   રાજદ                     510
• 8.          ત્રિવેણીગંજ               જદયુ                      519
• 9.           ભાગલપુર                કોંગ્રેસ                     529
• 10.          બૈકુંઠપુર                 રાજદ                      548
• 11.           સિંઘેશ્વર                 રાજદ                       556
• 12.         બારાચત્તી                હમ                          619
• 13.         ખગરિયા                 કોંગ્રેસ                      629
• 14.         મહનર                     રાજદ                       707
• 15.          બાખરી               સીપીઆઇ                   777
• 16.           મધુબન               ભાજપ                       790
• 17.          કટિહાર                ભાજપ                       833
• 18.          તરારી                 CPIML                       935
• 19.           અલૌલી              રાજદ                           945
• 20.           મતિહાની          જદયુ                            963
• 21.            પરબટ્ટા            જદયુ                             971
• 22.            કાંતિ                રાજદ                           1003