Gujarati News

મુંબઇ,તા. ૧૧: ઓનલાઈન ગેમિંગ અને દાવ પર લાગેલી જંગી રકમને જોઇ સરકારના કાન ઉભા થઇ ગયા છે. સરકારને હવે ડર લાગવા લાગ્‍યો છે કે ઓનલાઈન ગેમિંગનો ઉપયોગ બ્‍લેક મની વ્‍હાઇટ (મની લોન્‍ડરિંગ) કરવા માટે થઈ શકે છે અને તેમાંથી કમાયેલા પૈસાનો ઉપયોગ આતંકવાદી પ્રવૃત્તિઓ માટે થઈ શકે છે. આને ધ્‍યાનમાં રાખીને સરકાર ઓનલાઈન ગેમિંગ અને સંબંધિત પ્રવૃત્તિઓને પ્રિવેન્‍શન ઓફ મની લોન્‍ડરિંગ એક્‍ટ (ભ્‍પ્‍ન્‍ખ્‍)ના દાયરામાં લાવી શકે છે. જો ગેમિંગ કંપનીઓને મની લોન્‍ડરિંગ વિરોધી કાયદાના દાયરામાં લાવવામાં આવે છે, તો તેઓએ રમતમાં ભાગ લેતા પહેલા તમારા ગ્રાહકને જાણો (ધ્‍ળ્‍ઘ્‍) સબમિટ કરવાની જરૂર પડી શકે છે.

ગેમિંગ કંપનીઓને ભ્‍પ્‍ન્‍ખ્‍ના દાયરામાં લાવવાની જરૂરિયાત ત્‍યારે અનુભવાઈ જયારે તપાસ એજન્‍સીઓ મની એક્‍સચેન્‍જને શોધી શકી ન હતી. આનું કારણ એ હતું કે ઓનલાઈન ગેમિંગમાં સટ્ટો રમનારા ગ્રાહકો વિશે માહિતી અને તેમના સત્તાવાર ઓળખ કાર્ડ ઉપલબ્‍ધ નહોતા. આ મામલાની જાણકારી ધરાવતા સૂત્રોએ જણાવ્‍યું કે આ ગેમિંગ એપ્‍લીકેશનમાંથી લાખો રૂપિયાની ગેરરીતિ કરવામાં આવી છે, પરંતુ આમાં સામેલ લોકો વિશેની માહિતી ગેમિંગ કંપનીઓ પાસે નથી.

ધ્‍ળ્‍ઘ્‍ ફરજિયાત બનાવવા ઉપરાંત, ગેમિંગ એપ્‍સને ભ્‍પ્‍ન્‍ખ્‍ હેઠળ લાવવાનો અર્થ એ પણ થશે કે આ કંપનીઓએ અલગ-અલગ ડિરેક્‍ટર અને ચીફ ઓફિસરની નિમણૂક કરવી પડશે. ભ્‍પ્‍ન્‍ખ્‍ હેઠળ ગેમિંગ કંપનીઓને રિપોર્ટિંગ યુનિટ (ય્‍ચ્‍) સ્‍ટેટસ આપવા સાથે, આ સંસ્‍થાઓએ નાણાં મોકલનાર અને મેળવનારનું નાણાકીય ગુપ્તચર એકમ (જ્‍ત્‍શ્‍) અને અન્‍ય સંબંધિત વિગતો પ્રદાન કરવી પડશે. ગેમિંગ કંપનીઓને ૫૦,૦૦૦ રૂપિયાથી વધુના દરેક વ્‍યવહારની વિગતો આપવા માટે પણ કહેવામાં આવી શકે છે. ગેમિંગ કંપનીઓને ભ્‍પ્‍ન્‍ખ્‍ના દાયરામાં લાવતા પહેલા બ્રિટનના ગેમ્‍બલિંગ એક્‍ટમાં સમાવિષ્ટ બાબતોનો અભ્‍યાસ કરવાનું પણ સૂચન કરવામાં આવ્‍યું હતું. બિઝનેસ સ્‍ટાન્‍ડર્ડે ઓનલાઈન ગેમિંગ પર દેખરેખ સંબંધિત દસ્‍તાવેજનો પણ અભ્‍યાસ કર્યો છે.

દસ્‍તાવેજ જણાવે છે કે નાણા મંત્રાલય અને રિઝર્વ બેંક ઓફ ઈન્‍ડિયા (ય્‍ગ્‍ત્‍)એ ચિંતા વ્‍યક્‍ત કરી છે. તેણે કહ્યું છે કે ગેમિંગ કંપનીઓને નિયંત્રિત કરવા માટે કોઈ સિસ્‍ટમ નથી, જે ચિંતાનો વિષય છે. ગેમિંગ કંપનીઓ કોર્પોરેટ બાબતોના મંત્રાલયમાં નોંધાયેલી હોવા છતાં, તેમાં વિદેશી રોકાણ પર કોઈ પ્રતિબંધ નથી. સૂત્રોએ જણાવ્‍યું કે આમાંથી કેટલીક કંપનીઓ માલ્‍ટામાં નોંધાયેલી છે. ફાઇનાન્‍શિયલ મેઝર્સ ટાસ્‍ક ફોર્સ (જ્‍ખ્‍વ્‍જ્‍) એ માલ્‍ટાને નબળા નાણાકીય નિયમન ધરાવતા દેશોમાંના એક તરીકે સૂચિબદ્ધ કર્યું છે. બીજા શબ્‍દોમાં કહીએ તો માલ્‍ટા જ્‍ખ્‍વ્‍જ્‍ના ‘ગ્રે' લિસ્‍ટમાં છે. ઈન્‍ડિયા મોબાઈલ ગેમિંગ રિપોર્ટ ૨૦૨૧ અનુસાર, ભારતના ટોચના ૩૦ નાના શહેરોમાં ૨૦૨૦ની સરખામણીમાં ઓનલાઈન ગેમ રમનારા લોકોની સંખ્‍યામાં ૧૭૦ ટકાનો વધારો જોવા મળ્‍યો છે. કેટલાક નાના શહેરોમાં આવા લોકોની સંખ્‍યા ૧૦૦ થી વધીને ૨૦૦ ટકા થઈ ગઈ છે.