Gujarati News

ગ્વાલિયર, તા. ૧૩ : મધ્ય પ્રદેશના ગ્વાલિયરની ફેમિલી કોર્ટમાં એક વિચિત્ર કેસ પ્રકાશમાં આવ્યો છે. પતિનો આક્ષેપ છે કે પત્ની ચૂડેલ હોવાનો ઢોંગ કરે છે અને તેની માતાને મારે છે અને ઘરમાં કોઈ કામ નથી કરતી. બીજી તરફ પત્નીનું કહેવું છે કે તેની અંદર ચૂડેલ આવી જાય છે જે તેની સાસુની ધોલાઈ કરે છે. પત્ની તેની સાથે રહેવા માંગતી નથી, તેના પતિ પાસેથી ભરણ-પોષણની માંગ કરે છે. બંનેને ઘણી વાર કાઉન્સેલિંગ થઈ ચૂકી છે, પરંતુ આ કેસ સમાધાન કરવાને બદલે વધું ગૂંચવાઈ ગયો છે અને પત્નીની માતા પણ તેને પોતાની પાસે રાખવા પર મક્કમ થઈ છે.

રંજના (નામ બદલ્યું છે)ના વર્ષ ૨૦૧૭માં હુકુમ સિંઘ (નામ બદલ્યું છે) સાથે લગ્ન કર્યાં હતાં. તેમને એક વર્ષનું બાળક પણ છે. જ્યારે હુકુમસિંહ ઘરની બહાર કામ કરવા ગયો હતો ત્યારે રંજના તેની સાસુને માર મારતી હતી. જ્યારે સાસુએ પુત્રવધૂના આ કૃત્ય વિશે પુત્રને કહેતી ત્યારે તે ના પાડતી અને કહેતી હતી કે તેની અંદર આવેલી ચૂડેલે સાસુની ધોલાઈ કરે છે.

છેલ્લા એક વર્ષથી પતિ-પત્ની વચ્ચે વિવાદો ઘણા વધી ગયા છે. વાત એટલી હદે પહોંચી ગઈ કે, હવે રંજનાની માતાએ પણ આ ઝઘડામાં દખલ શરૂ કરી દીધી અને તે રોજ પુત્રીનો સંપર્ક કરવા લાગી. લોકડાઉનમાં હુકુમ સિંહ પણ ઘરે જ રહેવા લાગ્યો અને પતિ-પત્ની વચ્ચે ઝઘડા વધ્યા. પરિસ્થિતિ એવી બની ગઈ કે રંજના ઘર છોડીને તેની માતા પાસે ગઈ. હવે તેણે તેના પતિ પાસે ભરણ-પોષણની માંગ કરી છે.

રંજના અને હુકુમ સિંહ કાઉન્સલિંગ પર થઈ અને બંને વચ્ચે સમાધાનનો પ્રયાસ કરવામાં આવ્યો. પતિ કહે છે કે પત્ની આખો દિવસ ઠીક રહે છે, સાંજ પડતા જ ચૂડેલ અને ભૂતનૂં નાટક શરૂ કરે છે જેથી ઘરનું કોઈ કામ ન કરવું પડે, માતા સાથે પણ મારઝુડ કરે છે.

બીજી તરફ રંજના સાથે તેની માતા પણ ભરણ-પોષણની માંગને લઈને અડગ છે. રંજનાએ તેના પતિ સાથે આવવાની ના પાડી દીધી છે. જ્યારે માતા કહેવું છે કે તે પુત્રીને પોતાની સાથે રાખવા તૈયાર છે, પરંતુ તેની આજીવિકા માટે ભરણ-પોષણ આપવું જોઈએ.