Gujarati News

 

નવી દિલ્હીઃ જો તમે અજાણી વ્યક્તિ સાથે ફોન પર વાત કરી રહ્યા હોવ ત્યારે કોલ મર્જ કરવાનુ ટાળજો. કારણ કે જો તમે કોલ મર્જ કરશો તો તમારુ બેંક અકાઉન્ટ ખાલી થઇ જશે. 

 

કેન્દ્રીય ગૃહ મંત્રાલયે ટ્વિટર હેન્ડલ સાયબર દોસ્ત દ્વારા ઓટીપીને લઇને ચેતાવણી જાહેર કરી છે. મંત્રાલયે કહ્યું કે સાયબર ફ્રોડનો શિકાર થવા પર હેલ્પલાઇન નંબર 155260 પર ફરિયાદ દાખલ કરાવી શકો છે. મોબાઇલ ફોન પર અજાણી વ્યક્તિ સાથે વાત કરતી વખતે કૉલ મર્જ કરશો નહીં. આમ કરવાથી તમારું સોશિયલ મીડિયા એકાઉન્ટ હેક થઈ શકે છે. 

 

આ દ્વારા સાયબર ગુનેગારો તમારા બેંક એકાઉન્ટને પણ એક્સેસ કરી શકે છે. સાયબર ફ્રોડના વધતા જતા મામલાઓને જોતા સરકારે ચેતવણી જાહેર કરી છે. એવું કહેવામાં આવ્યું છે કે સાયબર ગુનેગારો લોકોને છેતરવા માટે નવી રીતો અપનાવી રહ્યા છે. તેથી સાવચેત રહેવાની જરૂર છે.