Gujarati News

નવી દિલ્હી: ટેક્નોલોજી ડેવલપમેન્ટ ફંડ (TDF) સ્કીમ હેઠળ વિકસિત પ્રુશિયન બ્લુ અદ્રાવ્ય ફોર્મ્યુલેશનના વ્યાવસાયિક ઉપયોગ માટે ઉત્પાદન અને માર્કેટિંગ લાયસન્સ, ડ્રગ્સ કંટ્રોલર જનરલ ઓફ ઈન્ડિયા (DCGI) દ્વારા સ્કોટ-એડીલ ફાર્માસિયા લિમિટેડ, બદ્દી, હિમાચલ પ્રદેશ અને સ્કેન્ટ્ર લાઇફસાયન્સ એલએલપી, અમદાવાદ, ગુજરાતને આપવામાં આવ્યા છે. ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO)ની લેબોરેટરી, દિલ્હી, ઇન્સ્ટિટ્યૂટ ઑફ ન્યુક્લિયર મેડિસિન એન્ડ એલાઈડ સાયન્સ (INMAS)ની ટેકનોલોજીના આધારે ઉદ્યોગ દ્વારા દવા વિકસાવવામાં આવી છે.

આ દવા Pru-DecorpTM અને PruDecorp-MG ના વેપાર નામ હેઠળ ઉપલબ્ધ થશે. ફોર્મ્યુલેશનનો ઉપયોગ સીઝિયમ અને થેલિયમ અને તેના સક્રિય ફાર્માસ્યુટિકલ ઘટક (API)ના વિશુદ્ધીકરણ માટે થાય છે. તે રેડિયોલોજિકલ અને ન્યુક્લિયર ઈમરજન્સી માટે વર્લ્ડ હેલ્થ ઓર્ગેનાઈઝેશન (WHO) દ્વારા સૂચિબદ્ધ જટિલ દવાઓમાંની એક છે.
સેક્રેટરી, ડિપાર્ટમેન્ટ ઓફ ડિફેન્સ R&D અને ચેરમેન DRDO ડૉ. સમીર વી કામતે આ સિદ્ધિ બદલ સંસ્થા તેમજ ઉદ્યોગને અભિનંદન પાઠવ્યા છે. તેમણે જણાવ્યું કે TDF પ્રોજેક્ટ હેઠળ આ દવાઓના ફોર્મ્યુલેશનનો વિકાસ અને DCGIની મંજૂરીએ પ્રધાનમંત્રી નરેન્દ્રભાઈ મોદીના 'આત્મનિર્ભર ભારત'ના વિઝનને હાંસલ કરવા માટે ઉદ્યોગને પ્રોત્સાહન આપવા માટે DRDOનો સફળ પ્રયાસ છે