Gujarati News

દિલ્હી: વિજય ચોક ખાતે ભારે સુરક્ષા તૈનાત જોવા મળે છે. અદાણી મામલે ૧૮ વિપક્ષી પાર્ટીના નેતાઓ આજે બેઠક કરશે અને આગામી રણનીતિ અંગે ચર્ચા કરશે. તમામ સાંસદોના હસ્તાક્ષર સાથેના પત્રની દરખાસ્ત બાબતે ચર્ચા થઈ શકે છે અને ઈડી ઓફિસ સુધી વિરોધ કૂચની પણ વિચારણા થઈ શકે છે.

ભાજપ અને તેમની સરકાર તેમના હરીફોને એવી રીતે નિશાન બનાવી રહી છે જાણે શાસક પક્ષ સ્વચ્છ હોય. સરકાર પર સવાલ ઉઠાવનારાઓને નિશાન બનાવવામાં આવે છે.  તેમને જેલમાં ધકેલી દેવામાં આવે છે અને તેમની સામે ખોટા કેસ કરવામાં આવે છે.  મોટા કૌભાંડમાં સંડોવાયેલા ગૌતમ અદાણીને કોઈ સમન્સ મોકલવામાં આવ્યું નથી.  આજે, અમે તમામ પુરાવા આપીશું અને પૂછીશું કે શા માટે કોઈ કાર્યવાહી કરવામાં આવી રહી નથી: સંજય રાઉત, ઠાકરે જૂથના નેતાએ નિવેદન આપ્યું.