Gujarati News

Gujarati News

News of Saturday, 16th January 2021

વિશ્વનો સૌથી ગંધારો માણસઃ ૬૫ વર્ષથી ન્હાયો નથી

અમોઉનું કહેવું છે કે, આ ગંદકી તેને ૮૩ વર્ષની ઉંમરમાં પણ સ્વસ્થ અને હુષ્ટપુષ્ટ રાખે છેઃ અમોઉની આ ગંદી આદતને કારણે તેને ગામની બહાર રહેવુ પડે છે

કેરો, તા.૧૬: અત્યાર સુધી તમે અનેક આશ્યર્ય કરી દેનારી ફેશન વિશે સાંભળ્યું હશે અને જોયું હશે. દુનિયામાં એક એકથી ચઢિયાતા રેકોર્ડ બનેલા છે. આજે અમે તમને એક એવા રેકોર્ડ વિશે બતાવવા જઈ રહ્યા છે, જેને સાંભળીને તમે પણ દંગ રહી જશો. આ વ્યકત ગત ૬૫ વર્ષોથી ન્હાયો નથી. ઈરાનનો રહેવાસી અમોઉ હાજીનું કહેવું છે કે, ગત ૬૫ વર્ષથી તેણે શરીરને પાણી અડાડ્યુ નથી. તે ન્હાયો જ નથી. તેની લાઈફસ્ટાઈલ જાણીને કોઈને પણ ચીતરી ચઢી જાય.

૮૩ વર્ષીય અમોઉનું કહેવું છે કે, તેણે ૬૫ વર્ષથી પોતાના શરીરને પાણીનું એક ટીપું પણ અડાડ્યું નથી. કેમ કે તેને પાણીથી ડર લાગે છે. તેનુ કહેવુ એમ પણ છે કે, જો તે નહિ ન્હાય તો બીમાર પડી જશે. અમોઉ કયારેય પણ પોતાની ખાવાપીવાની ચીજવસ્તુઓને પાણીથી સાફ પણ કરતો નથી. કેમ કે તેને સ્વચ્છ વસ્તુઓથી નફરત છે. અમોઉનું કહેવું છે કે, આ ગંદકી તેને ૮૩ વર્ષની ઉંમરમાં પણ સ્વસ્થ અને હુષ્ટપુષ્ટ રાખે છે. તેના અનુસાર, તેઓ આ ગંદકીને કારણે જ આટલી લાંબી ઉંમરમાં જીવી રહ્યાં છે. આ સાથે જ આશ્યર્ય રાખવુ ન જોઈએ કે, અમોઉની આ ગંદી આદતને કારણે તેને ગામની બહાર રહેવુ પડે છે. કોઈ તેની નજીક ફરકતુ નથી.

આ અદભૂત રેકોર્ડવાળા અમોઉની ડાયટ પણ એટલી જ અજીબોગરીબ છે. અમોઉ એકિસડન્ટ કે કુદરતી રીતે મરનારા પ્રાણીઓનું સડેલુ માંસ ખાવાનું પસંદ કરે છે. તેને નોન વેજ ખાવાનું વધુ પસંદ છે. પ્રાણીઓના સડેલા માંસ ઉપરાંત અમોઉને ગંદું સડેલું દ્યરેલુ શાકભાજીનો કચરો પણ ખાવાનું ગમે છે. અમોઉને સ્વાદિષ્ટ ભોજન કયારેય પસંદ આવતા નથી.

અમોઉનું પોતાનું કોઈ દ્યર નથી. તે પોતાના ગામથી દૂર પહાડીની માટીની વચ્ચે રહે છે. જોકે, ગામડાના લોકોએ અમોઉ માટે એક નાનકડી ઝૂંપડી પણ બનાવી છે. અમોઉને માટીમાં રહેવું સુખદ લાગે છે. અમોઉને કોઈ પણ પ્રકારની ગંદકીથી કોઈ ઈન્ફેકશન થતુ નથી. જોકે, ગામડાના લોકોને તેઓ સતત મળવા આવે છે.

(4:30 pm IST)
  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST

  • દેશભરમાં આજે 1,65,714 લોકોને કોરોનાની રસી આપવામાં આવી હતી : રસીકરણ પછી હજી સુધી એકપણ વ્યક્તિને આડઅસર થઈ હોય કે હોસ્પિટલમાં દાખલ થયા હોય તેવું સામે નથી આવ્યું તેમ કેન્દ્રીય આરોગ્ય મંત્રાલયે જણાવ્યું છે. access_time 7:42 pm IST

  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST