Gujarati News

નવી દિલ્‍હી, તા.૧૬: ઉત્તર કોરિયામાં કોરોના સતત કહેર મચાવી રહ્યો છે. અહીં રવિવારે તાવના કારણે ૮ લોકોના મોતના સમાચાર સામે આવ્‍યા છે. એટલું જ નહીં, ૩૯૨,૯૨૦ નવા લોકોને તાવના લક્ષણો જોવા મળ્‍યા છે. બીજી તરફ, કોરોના વાયરસના વધતા જતા કેસ વચ્‍ચે કિમ જોંગ ઉને દવાઓની સપ્‍લાયમાં વિલંબ માટે અધિકારીઓને સખત ઠપકો આપ્‍યો છે. આ સાથે તેણે કોરોના સંક્રમણને કાબૂમાં લેવા માટે સેનાને નીચે લાવવાનો નિર્ણય કર્યો છે.

કિમ જોંગ ઉને રાજધાની પ્‍યોંગયાંગમાં મહામારી સામે સેનાને મેદાનમાં ઉતરવાનો આદેશ આપ્‍યો છે. નોર્થ ઇમરજન્‍સી એન્‍ટી વાયરસ હેડક્‍વાર્ટર દ્વારા કહેવામાં આવ્‍યું છે કે એપ્રિલના અંતથી અત્‍યાર સુધીમાં ૧૨ લાખ લોકો તાવની ઝપેટમાં આવી ગયા છે. લગભગ ૫૬૪,૮૬૦ લોકો હજુ પણ ક્‍વોરેન્‍ટાઈનમાં છે.

રવિવારે ઉત્તર કોરિયામાં ૮ લોકોના મોત થયા હતા. તાવના કારણે અત્‍યાર સુધીમાં કુલ ૫૦ લોકોએ જીવ ગુમાવ્‍યા છે. જો કે, ઉત્તર કોરિયા દ્વારા હજુ સુધી એ વાતની પુષ્ટિ કરવામાં આવી નથી કે કેટલા લોકો તાવથી પીડિત છે અથવા મળત્‍યુ પામેલા લોકો કોરોનાથી -ભાવિત થયા છે.

નિષ્‍ણાતોનું કહેવું છે કે ઉત્તર કોરિયાની નબળી આરોગ્‍ય સંભાળ -ણાલીને જોતા, કોરોના વાયરસના ચેપને રોકવામાં વિલંબના ગંભીર પરિણામો આવી શકે છે. ઉત્તર કોરિયાની વસ્‍તી લગભગ ૨૬ મિલિયન છે. એવું કહેવામાં આવી રહ્યું છે કે મોટાભાગની વસ્‍તીને રસી આપવામાં આવી નથી. હકીકતમાં, અહીં સરકારે યુએન વેક્‍સિન પ્રોગ્રામ દ્વારા આપવામાં આવેલી રસીની મદદને પણ નકારી કાઢી હતી, જેથી તે આંતરરાષ્‍ટ્રીય દેખરેખથી બચી શકે.

ઉત્તર કોરિયાએ ગયા ગુરુવારે તેનો પહેલો કોરોના કેસ સ્‍વીકાર્યો હતો. ઉત્તર કોરિયા તરફથી કહેવામાં આવ્‍યું હતું કે પ્‍યોંગયાંગમાં ઓમિક્રોન વેરિઅન્‍ટમાંથી ઘણા લોકો કોરોના પોઝિટિવ હોવાનું જાણવા મળ્‍યું છે. જોકે, બે વર્ષ સુધી ઉત્તર કોરિયા દાવો કરતું રહ્યું કે દેશમાં કોરોનાનો એક પણ કેસ નોંધાયો નથી. જ્‍યારે ૨૦૨૦ થી, વિશ્વમાં લગભગ દરેક જગ્‍યાએ કોરોનાના કેસ નોંધાયા છે.

રવિવારે એક બેઠક દરમિયાન કિમે સરકાર અને આરોગ્‍ય વિભાગના અધિકારીઓને રોગચાળા સામે મોડા પગલાં લેવા બદલ ઠપકો આપ્‍યો હતો. ઉત્તર કોરિયાની સત્તાવાર સમાચાર એજન્‍સી અનુસાર, કિમે કહ્યું, અધિકારીઓએ બેજવાબદાર વલણ દાખવ્‍યું અને ફાર્મસીમાં યોગ્‍ય સમયે દવાઓની સપ્‍લાય કરવામાં આવી ન હતી. કિમે આદેશ આપ્‍યો છે કે દવાઓ સપ્‍લાય કરવા માટે પ્‍યોંગયાંગમાં આર્મી મેડિકલ યુનિટ તૈનાત કરવામાં આવે