Gujarati News

કરાંચી, તા.૧૬: પાકિસ્‍તાનમાં સવાર સવારમાં સેર પર નીકળેલી એક ૧૯ વર્ષની યુવતીનું દિલ ૭૦ વર્ષના વળદ્ધ પર આવી ગયું અને તેણે આ વળદ્ધને પોતાના જીવનસાથી બનાવવાનું નક્કી કરી લીધુ અને એકબીજાના જીવનસાથી બની ગયા. આ કપલ વચ્‍ચે ૫૦ વર્ષથી વધુ ઉંમરનું અંતર છે. તેમની લવસ્‍ટોરીનો એક વીડિયો પણ વાયરલ થઈ રહ્યો છે. જેમાં બંનેએ વિગતવાર પોતાની લવસ્‍ટોરી વિશે જણાવ્‍યું છે.

આ નવ દંપત્તિનું નામ લિયાકત અને શમાઈલા છે. બંને લાહોરમાં ખુશીથી રહે છે. આ બધા વચ્‍ચે લિયાકત અને શમાઈલાએ પોતાની મુકમ્‍મલ થયેલી લવ સ્‍ટોરી અંગે શું કહ્યું અમે તમને જણાવીએ. વાત જાણે એમ છે કે શમાઈલાને પૂછવામાં આવ્‍યું કે તમારા પતિની ઉંમર તો ઘણી વધારે છે તો નવી નવેલી દુલ્‍હને કહ્યું કે ‘જુઓ પ્રેમમાં ઉંમર જોવાતી નથી, બસ મોહબ્‍બત થઈ જાય છે. તેમાં જાત-પાત, ઊંચ અને નીચ કશું જોવાતું નથી, તો આવામાં મને પણ મોહબ્‍બતના રોગે જકડી લીધી.'

જ્‍યારે લિયાકતે પોતાની પ્રેમ કહાની વર્ણવતા કહ્યું કે ‘રોમેન્‍ટિક હોવા માટે કોઈ ઉંમર હોતી નથી. દરેક ઉંમરનું પોતાનું એક અલગ રોમાન્‍સ હોય છે.' આગળની કહાની તમે પોતે આ વીડિયોમાં જોઈ શકો છો...

વીડિયોમાં તમે જોયું હશે કે કેવી રીતે એક કપલે એક બીજા માટે ગીત ગાઈને પોતાની ખુશીનો ઈઝહાર કર્યો. વાત જાણે એમ છે કે પાકિસ્‍તાનમાં દર ૧૫ દિવસે કોઈને કોઈ પ્રેમ કહાની વાયરલ થાય છે. નોંધનીય છે કે થોડા સમય પહેલા પોલેન્‍ડની એક એજેડ મહિલાએ પાકિસ્‍તાનના ૩૦ વર્ષના યુવક સાથે નિકાહ  કરવા માટે પોતાનો દેશ છોડી દીધો. ત્‍યારે પણ આ કહાની એટલી વાયરલ થઈ હતી.