Gujarati News

પશ્ચિમ બંગાળના મુર્શિદાબાદના રેજીનગરમાં રામ નવમીના શોભાયાત્રામાં પથ્થરમારો અને બોમ્બ ધડાકાની ઘટના બની છે. ભાજપનો આરોપ છે કે મુર્શિદાબાદના રેજીનગરમાં રામ નવમી શોભા યાત્રા દરમિયાન ભારે પથ્થરમારો થયો હતો. શક્તિપુર સ્કૂલથી શરૂ થયેલી શોભા યાત્રા દરમિયાન શ્રદ્ધાળુઓ પર બોમ્બ ફેંકવામાં આવ્યા હતા. અનેક શ્રદ્ધાળુઓ ગંભીર રીતે ઘાયલ થયા છે. બીજેપી નેતા અમિત માલવિયાએ ટ્વીટ કરીને રાજ્યની કાયદો અને વ્યવસ્થાની સ્થિતિ પર સવાલ ઉઠાવ્યા છે.

બોમ્બ વિસ્ફોટ અને પથ્થરમારાની ઘટનાઓને જોતા આ વિસ્તારમાં મોટી સંખ્યામાં પોલીસ દળો તૈનાત કરવામાં આવ્યા છે.