Gujarati News

Gujarati News

News of Thursday, 17th September 2020

અમેરિકાના વાઇસ પ્રેસિડન્ટ પદના ઉમેદવાર ઇન્ડિયન અમેરિકન સુશ્રી કમલા હેરિસના પ્રચાર માટે હિલેરી ક્લિન્ટન મેદાનમાં : અમેરિકાના હોલીવુડ કલાકારો એમી પોહલર તથા માયા રુડોલ્ફ પણ ફંડ રેઇઝિંગ પ્રોગ્રામમાં જોડાયા

કેલિફોર્નિયા : અમેરિકાના વાઇસ પ્રેસિડન્ટ પદના ઉમેદવાર ઇન્ડિયન અમેરિકન મહિલા સેનેટર સુશ્રી કમલા હેરિસના પ્રચારે જોર પકડ્યું છે.તેમના માટે યોજાઈ રહેલા ફંડ રેઇઝિંગ પ્રોગ્રામમાં ડેમોક્રેટિક પાર્ટીના ગઈ ટર્મના પ્રેસિડન્ટ પદના ઉમેદવાર તથા પૂર્વ સેક્રેટરી ઓફ સ્ટેટ હિલેરી ક્લિન્ટન ,તેમજ  હોલીવુડ કલાકારો એમી પોહલર તથા  માયા રુડોલ્ફ પણ જોડાયા હતા.
ફંડ રેઇઝિંગ પ્રોગ્રામ દરમિયાન બંને હોલીવુડ કલાકારોએ ' સેટરડે નાઈટ ' કોમેડી લાઈવ શોનું નિદર્શન કરાવ્યું હતું.આ ફંડ રેઇઝિંગ પ્રોગ્રામ 1 લાખ જેટલા દર્શકોએ નિહાળ્યો હતો.તથા 6 મિલિયન ડોલરનું ફંડ ડેમોક્રેટિક ઉમેદવારો જો બિડન અને સુશ્રી કમલા હેરિસ માટે ભેગું થઇ ગયું હતું.ભારતીય મૂળના નાગરિકોએ આપેલા ફંડની સરેરાશ 30 ડોલર જેટલી હતી.
ઉલ્લેખનીય છે કે બિડન હેરિસ કમપેન દ્વારા ઓગસ્ટ માસમાં 354 મિલિયન   ડોલરનું ફંડ ભેગું થયું હતું જયારે ડોનાલ્ડ ટ્રમ્પના કમપેન માટે 210  મિલિયન ડોલર ભેગા થયા  હતા.

(7:28 pm IST)
  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST