Gujarati News

નવી દિલ્હી : 2024ની સામાન્ય ચૂંટણી પહેલા રાજકીય વકતૃત્વ અને નેતાઓ વચ્ચે એકબીજા પર પ્રહારો કરવા સામાન્ય વાત છે. આ દરમિયાન હિમાચલ પ્રદેશના મંત્રી અને મંડીથી કોંગ્રેસના ઉમેદવાર વિક્રમાદિત્ય સિંહની એક ટિપ્પણી વાયરલ થઈ રહી છે.

 વિક્રમાદિત્યએ કહ્યું કે તે ભાજપનો નિર્ણય છે કે તે કોને પોતાના ઉમેદવાર તરીકે પસંદ કરવા માંગે છે. વિક્રમાદિત્યએ કહ્યું, “હું કહીશ કે પ્રતિબદ્ધ નેતાઓ છે અને પછી જેઓ પ્રવાસીઓ જેવા છે. પર્યટકો જે રીતે પ્રાદેશિક કપડાં પહેરે છે, ફોટો પડાવીને નીકળી જાય છે, તે જોઈને લાગે છે કે હવે લોકોનો નિર્ણય છે કે તેમને મનોરંજન જોઈએ છે કે ગંભીર નેતા

   તેમણે કહ્યું કે મંડીના લોકો શિક્ષિત અને બૌદ્ધિક છે, તેઓ સમજે છે કે ચૂંટણી લડવામાં મજા નથી, તેના માટે સમર્પણ, પ્રતિબદ્ધતા, વિસ્તારની સમજ અને જ્ઞાનની જરૂર છે.

   અત્રે ઉલ્લેખનીય છે કે હિમાચલની મંડી સીટ લોકસભા ચૂંટણી 2024માં ઘણી ચર્ચાનો વિષય બની છે. વાસ્તવમાં બોલિવૂડની જાણીતી અભિનેત્રી અને આ સીટ પરથી બીજેપી ઉમેદવાર કંગના રનૌત વિક્રમાદિત્યની સામે ઉભી છે. ઉમેદવારો તરીકે નામો જાહેર થયા બાદ બંને નેતાઓ વચ્ચે જોરદાર શાબ્દિક યુદ્ધ થયું હતું. દરરોજ બંને એકબીજા પર નિવેદન આપતા રહે છે. .