વીઆઇપી નંબર પાછળ લોકો પાગલ : 71000ની હોન્ડા એક્ટિવનો નંબર મેળવવા માટે જે રૂપિયા ખર્ચ્યા છે તે જાણીને તમારી પણ આંખ પહોળી થઇ જશે. આ ભાઇ સાહેબે, ખાસ નંબર મેળવવા માટે 15.44 લાખ રૂપિયા ખર્ચ્યા છે. આટલામાં તો બીજી 20 હોન્ડા એક્ટિવા આવી જાય: આવું ગાંડપણ ચંદીગઢના એક વ્યકિતએ કર્યું હોવાનું જાણવા મળ્યું છે.

News of Tuesday, 19th April 2022

વીઆઇપી નંબર પાછળ લોકો પાગલ : 71000ની હોન્ડા એક્ટિવનો નંબર મેળવવા માટે જે રૂપિયા ખર્ચ્યા છે તે જાણીને તમારી પણ આંખ પહોળી થઇ જશે. આ ભાઇ સાહેબે, ખાસ નંબર મેળવવા માટે 15.44 લાખ રૂપિયા ખર્ચ્યા છે. આટલામાં તો બીજી 20 હોન્ડા એક્ટિવા આવી જાય: આવું ગાંડપણ ચંદીગઢના એક વ્યકિતએ કર્યું હોવાનું જાણવા મળ્યું છે.

तुलसी इस संसार में, भाँति-भाँति के लोग ગોસ્વામી તુલસીદાસનો આ એક દોહો છે જે આજે યાદ કરવા જેવો લાગે છે. એક વ્યકિતએ પોતાની 71000ની હોન્ડા એક્ટિવનો નંબર મેળવવા માટે જે રૂપિયા ખર્ચ્યા છે તે જાણીને તમારી પણ આંખ પહોળી થઇ જશે. આ ભાઇ સાહેબે, ખાસ નંબર મેળવવા માટે 15.44 લાખ રૂપિયા ખર્ચ્યા છે. આટલામાં તો બીજી 20 હોન્ડા એક્ટિવા આવી જાય. આવું ગાંડપણ ચંદીગઢના એક વ્યકિતએ કર્યું હોવાનું જાણવા મળ્યું છે. એક તરફ જ્યાં વાહનોની કિંમતમાં વધારો થયો છે, ત્યારે કેટલાક ગ્રાહકો એવા છે કે જેમણે પોતાનો શોખ પૂરો કરવા માટે આ વાહનો પાછળ અનેક ગણા પૈસા ખર્ચ્યા છે. તાજેતરનો કેસ ચંદીગઢનો છે, જ્યાં હોન્ડા એક્ટિવાના ગ્રાહકે 15.44 લાખ રૂપિયા ખર્ચ્યા છે. આશ્ચર્યની વાત એ છે કે એક્ટિવાની કિંમત માત્ર 71,000 રૂપિયા હતી. બ્રિજ મોહન નામના આ વ્યક્તિએ પોતાના એક્ટિવાના ફેન્સી નંબર મેળવવા માટે આટલી મોટી રકમ ખર્ચી નાખી છે. ત્યારથી વાહન નંબર CH01-CJ-0001 ચર્ચામાં છે. 42 વર્ષનો બ્રિજ મોહન ચંદીગઢના સેક્ટર 23માં રહે છે. તેણે કહ્યું કે આ તેનો પહેલો ફેન્સી નંબર છે. તેણે કહ્યું, હું મારા એક્ટિવા માટે નવા વાહન નંબરનો ઉપયોગ કરીશ, પરંતુ પછીથી હું મારી કાર માટે તેનો ઉપયોગ કરીશ. ચંદીગઢની નોંધણી અને લાઇસન્સિંગ ઓથોરિટી (RLA)ના અધિકારીના જણાવ્યા અનુસાર, નવી શ્રેણી CH01-CJના બાકીના ફેન્સી નંબરોની હરાજી 14 એપ્રિલથી 16 એપ્રિલની વચ્ચે યોજાઈ હતી. આ દરમિયાન, 378 નોંધણી નંબરની હરાજી કરવામાં આવી હતી, જે 1.5 કરોડ રૂપિયા સુધી પહોંચી હતી. દરમિયાન, CH01-CJ-0001 નંબરની રૂ. 50,000ની રિઝર્વ કિંમત સામે રૂ. 15.44 લાખની બોલી લાગી હતી. બીજી સૌથી મોંઘી હરાજી CH-01-CJ-0002ની રૂ. 5.4 લાખમાં હતી. આ સિવાય CH-01- CJ-0007 માટે રૂ. 4.4 લાખ અને CH-01- CJ-0003 માટે રૂ. 4.2 લાખની બોલી લગાવવામાં આવી હતી. આ તમામ નંબરોની રિઝર્વ કિંમત 30,000 રૂપિયા હતી. અત્યાર સુધીની સૌથી મોંઘી બોલી 0001 નંબર માટે 2012માં લગાવવામાં આવી હતી, જ્યારે સેક્ટર 44ના રહેવાસીએ CH-01-AP સિરીઝ નંબર 26.05 લાખ રૂપિયામાં ખરીદ્યો હતો. જોકે, બોલી એસ-ક્લાસ મર્સિડીઝ-બેન્ઝ માટે હતી જેની કિંમત ફેન્સી નંબરની કિંમત કરતાં ચાર ગણી હતી.