Gujarati News

ઉત્તરાખંડમાં ભારે વરસાદને કારણે કોસી નદીમાં પણ પાણીનું સ્તર વધતા રામનગરના ગર્જિયા મંદિર સુધી ખતરો જોવા મળી રહ્યો છે. પાણી મંદિરના પગથિયાઓ સુધી પહોંચી ગયો છે. આ સાથે બેરેજના તમામ દરવાજાઓ પણ ખોલી દેવામાં આવ્યા છે. કોસી બેરેજ પર કોસી નદીનું જળસ્તર 1,39,000 ક્યુસેક છે. જે ખતરાના નિશાનથી વધારે ઉપર છે. કોસી બેરેજમાં ખતરાનું નિશાન 80,000 ક્યુસેક છે.

બીજી બાજુ હલ્દાનીમાં ગોલા નદી પર પણ પાણીનું જળસ્તર વધતા નદી પર બનેલ એપ્રોચ પુલ તૂટી ગયો છે. જેના કારણે અહીંયા અવરજવર પણ બંધ થઇ ગઇ છે. ટનકપુરમાં પણ શારદા નદી તોફાને ચડતા ક્રશર રસ્તાએ જાણે કે નાળા બની ગયા હોય તેવી સ્થિતિ સર્જાઇ છે.