Gujarati News

મુંબઈ : રિલાયન્સ ઈન્ડસ્ટ્રીઝ લિ.એ ચાલુ નાણાકીય વર્ષના ત્રીજા ત્રિમાસિક પરિણામો જાહેર કર્યા છે. જેમાં કંપનીનો ચોખ્ખો નફો નજીવો 0.6 ટકા વધી રૂ. 17806 કરોડ થયો છે. જે ગતવર્ષે 17703 કરોડ હતો.

ઓઇલ-ટુ-કેમિકલ્સ (O2C) અને એક્સ્પ્લોરેશન એન્ડ પ્રોડક્શન (E&P) વ્યવસાયોમાં રિટેલ કામગીરી અને સુધારાને પગલે ડિસેમ્બર ક્વાર્ટરમાં એકીકૃત આવકમાં ડબલ ડિજિટ ગ્રોથ નોંધાયો છે. કંપનીની ગ્રોસ રેવન્યુ ગતવર્ષે ડિસેમ્બર ત્રિમાસિકમાં રૂ. 209823 કરોડ સામે 14.8 ટકા વૃદ્ધિ સાથે રૂ. 240963 કરોડ થઈ છે. EBITDA 13.5 ટકા વધી છે. BSE પર RILની સ્ક્રીપ 1.1% ઘટીને ₹2,443 પર સેટલ થઈ હતી

  પરિણામો અંગે ટિપ્પણી કરતાં રિલાયન્સ ઇન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર મુકેશ અંબાણીએ જણાવ્યું હતું કે, “અમારી તમામ બિઝનેસ ટીમોએ પડકારજનક વાતાવરણમાં મજબૂત ઓપરેટિંગપર્ફોર્મન્સ આપવા માટે ઉત્તમ કામ કર્યું છે. બધા સેગમેન્ટ્સે Y-o-Y ધોરણે એકીકૃત EBITDAમાં મજબૂત વૃદ્ધિમાં ફાળો આપ્યો છે.

O2C બિઝનેસમાં યુરોપમાં મક્કમ માંગ, મર્યાદિત પુરવઠો અને કુદરતી ગેસના ઊંચા ભાવ સાથે મિડલ ડિસ્ટિલેટ પ્રોડક્ટ્સના ફંડામેન્ટલ્સ મજબૂત રહ્યા છે.

ડાઉનસ્ટ્રીમ કેમિકલ ઉત્પાદનોમાં વધારાના પુરવઠા અને પ્રમાણમાં નબળી પ્રાદેશિક માગ સાથે માર્જિન દબાણ જોવા મળ્યું હતું.અમારું ધ્યાન ગ્રાહકો માટે મહત્વપૂર્ણ બળતણ અને સામગ્રીનું ઉત્પાદન સુરક્ષિત અને વિશ્વસનીય પર છે

  રિલાયન્સ રિટેલની EBITDAમાં ત્રીજા ત્રિમાસિકમાં વાર્ષિક ધોરણે 24.9 ટકા સુધારો નોંધાયો છે. ગ્રોસ રેવન્યુ 17.2 ટકા વધી 67623 કરોડ થઈ છે. નેટ પ્રોફિટ 6.2 ટકા વૃદ્ધિ સાથે રૂ. 2400 કરોડ નોંધાયો છે. જે ગતવર્ષે 2259 કરોડ હતો.