Gujarati News

પટણા, તા. ૨૦ : બિહારમાં કોરોના વાયરસની સ્થિતિને લઈને આરજેડીના નેતા તેજસ્વી યાદવે નીતીશ કુમારની સરકાર આકરા પ્રહાર કર્યા છે. તેજસ્વીએ જણાવ્યું છે કે, બિહારમાં કોરોના કેસની સંખ્યા દરરોજ વધી રહી છે પરંતુ બિહાર સરકારને આની કોઈ ચિંતા નથી. તેજસ્વી યાદવે જણાવ્યું છે કે, બિહાર ધીમે-ધીમે ગ્લોબલ કોવિડ હોટ સ્પોટ બની રહ્યું છે કેમકે સરકારને કોરોના કેસ મામલે કોઈ ચિંતા નથી. રાજ્ય સરકાર કોરોનાની ટેસ્ટિંગ વધારવા માટે કોઈપણ પગલા લઈ રહી નથી. રાજ્યમાં કોરોનાનો મૃત્યુઆંક પણ સતત વધી રહ્યો છે.

તેમણે જણાવ્યું કે, બિહારમાં કોરોનાની સ્થિતિને લઈને રાજ્ય સરકાર અને કેન્દ્ર સરકાર તરફથી અલગ-અલગ આંકડા રજૂ કરવામાં આવી રહ્યા છે. લોકોને ટેસ્ક કરાવ્યા વગર જ રિપોર્ટ મળી રહ્યા છે. આરજેડીના નેતા આક્ષેપ કર્યો છે કે, બિહારમાં સ્વાસ્થ્યકર્મીઓની હાલત અત્યંત ખરાબ છે. તેમણે જણાવ્યું કે, કોવિડ કેન્દ્રોમાં કામ કરી રહેલા સ્વાસ્થ્યકર્મીઓની પાસે પહેરવા માટે પીપીઈ કિટ પણ થી. અમે માગ કરીએ છીએ કે રાજ્ય સરકારે આ મામલે સ્થિતિ સ્પષ્ટ કરવી જોઈએ.