Gujarati News

મુંબઈ : બોલિવૂડ અભિનેતા શાહરૂખ ખાનના પુત્ર આર્યન ખાનના જામીન મંજુર કરતી વખતે બોમ્બે હાઇકોર્ટે આપેલો આદેશ વિગતવાર જાહેર કરાયો છે. જેમાં જણાવાયા મુજબ આરોપીઓ ક્રુઝ પર મુસાફરી કરી રહ્યા હતા માત્ર તેટલા કારણસર NDPS એક્ટ હેઠળ ગુનો નોંધી શકાય નહીં .આર્યન ખાન અને અન્ય બે સહ-આરોપીઓ અરબાઝ મર્ચન્ટ અને મુનમુન ધામેચા વિરુદ્ધ ષડયંત્ર રચવાના આરોપ અંગે કોઈ સકારાત્મક પુરાવા નથી . બોમ્બે હાઈકોર્ટે 28 ઓક્ટોબરે જામીન આપ્યા બાદ ખાન અને અન્યને 30 ઓક્ટોબરે જેલમાંથી મુક્ત કરવામાં આવ્યા હતા.

14 પાનાના આદેશમાં જસ્ટિસ નીતિન સાંબ્રેએ કહ્યું છે કે એનડીપીએસ એક્ટ હેઠળ કાવતરાના ગુના માટે આર્યન ખાન અને અન્ય બે સહ-આરોપી અરબાઝ મર્ચન્ટ અને મુનમુન ધામેચા સામે કોઈ પ્રથમદર્શી પુરાવા નથી.
ક્રુઝ શિપ ડ્રગ કેસમાં બોલિવૂડ અભિનેતા શાહરૂખ ખાનના પુત્ર આર્યન ખાનને જામીન આપવાનો બોમ્બે હાઈકોર્ટનો બોલતા આદેશ બોમ્બે હાઈકોર્ટ (આર્યન ખાન વિ. યુનિયન ઓફ ઈન્ડિયા) દ્વારા બહાર પાડવામાં આવ્યો છે.

ન્યાયાધીશે ઉમેર્યું, "આ અદાલતે એ હકીકત પ્રત્યે સંવેદનશીલ બનવાની જરૂર છે કે પુરાવાના રૂપમાં મૂળભૂત સામગ્રીની હાજરી હોવી જોઈએ જેથી કરીને અરજદારો વિરુદ્ધ કાવતરાના કેસને સમર્થન આપી શકાય."
ખાન અને અરબાઝ મર્ચન્ટ અને ધામેચાને 28 ઓક્ટોબરે હાઈકોર્ટે જામીન આપ્યા હતા. કોર્ટે ટૂંકો આદેશ આપ્યો હતો જ્યારે કારણો દર્શાવતો આદેશ આજદિન સુધી આપવામાં આવ્યો ન હતો.જે હવે જાહેર કરાયો છે.

ઉલ્લેખનીય છે કે 2 ઓક્ટોબર, 2021ના રોજ NCBએ મુંબઈથી ગોવા જતા ક્રૂઝ શિપ પર દરોડા પાડ્યા બાદ ખાનને નાર્કોટિક્સ કંટ્રોલ બ્યુરો (NCB) દ્વારા કસ્ટડીમાં લેવામાં આવ્યો હતો. ખાનની ધરપકડ કરવામાં આવી હતી.

હાઈકોર્ટે 28 ઓક્ટોબરે જામીન આપ્યા બાદ ખાન અને અન્યને 30 ઓક્ટોબરે જેલમાંથી મુક્ત કરવામાં આવ્યા હતા.તેવું બી.એન્ડ બી.દ્વારા જાણવા મળે છે.