Gujarati News

Gujarati News

News of Wednesday, 21st April 2021

ડબલ મ્યુટેંટ વેરિયન્ટ બાદ હવે ટ્રિપલ મ્યુટેંટની એન્ટ્રી? વાગી ખતરાની ઘંટડી

મહારાષ્ટ્ર-દિલ્હી-બંગાળ-છત્તીસગઢથી લેવાયેલા સેમ્પલમાં નવું મ્યુટેશન

નવી દિલ્હી, તા.૨૧: કોરોના સંક્રમણ જે રોકેટ ગતિથી વધી રહ્યું છે તેનાથી સમગ્ર દેશમાં હાહાકાર જોવા મળી રહ્યો છે. દરરોજ આવતા દૈનિક કેસના આંકડા પોતાના જ રેકોર્ડ તોડે છે, કોરોના દર્દીઓની બેકાબૂ થતી સંખ્યા અને મૃત્યુઆંકમાં થઈ રહેલો સતત વધારો ભારે દહેશત પેદા કરી રહ્યા છે. કોરોનાની આ નવી લહેરનો કહેર હાલ તો થમતો જોવા મળતો નથી પરંતુ એક નવો ચોંકાવનારો ખુલાસો થયો છે. જે તમારા હોશ ઉડાવી દેશે.

અંગ્રેજી અખબાર ઈન્ડિયન એકસપ્રેસના જણાવ્યાં મુજબ ડબલ મ્યૂટેન્ટ વેરિએન્ટમાં એક વધુ મ્યૂટેશન હોવાથી તેના ટ્રિપલ મ્યૂટેન્ટમાં ફેરવાઈ જવાની જાણકારી સ્વાસ્થ્ય મંત્રાલયને આપવામાં આવી છે. કોરોનાના ડબલ મ્યૂટેન્ટના સ્પાઈક પ્રોટીનમાં ત્રીજો મ્યૂટેશન થયો છે. દિલ્હી, મહારાષ્ટ્ર, પશ્યિમ બંગાળ અને છત્ત્।ીસગઢથી લેવાયેલા સેમ્પલમાં નવું મ્યૂટેશન થતું જોવા મળ્યું છે. આ રાજયોમાંથી લેવાયેલા ૧૭ સેમ્પલમાં એવું જોવા મળ્યું છે. આ એવા રાજયો છે જયાં કોરોનાની બીજી લહેર ભીષણ કહેર વર્તાવી રહી છે. અહીં કોરોનાના કેસ ઝડપથી વધી રહ્યા છે. કહેવાય છે કે ડબલ મ્યૂટેશન વેરિએન્ટના કારણે જ કોરોના આટલો વધ્યો છે અને હવે ટ્રિપલ મ્યૂટેન્ટ વેરિએન્ટની જાણ થયા બાદ ડર વધી ગયો છે.

ભારતમાં કોરોના વાયરસના કેસ સતત વધી રહ્યા છે. આ માટે ડબલ મ્યૂટેન્ટ વાયરસને જવાબદાર ગણવામાં આવી રહ્યો છે. રિપોર્ટ્સ મુજબ નવો વેરિએન્ટ વધુ સંક્રામક અને ઝડપથી ફેલાય છે. ભારતમાં ફેલાયેલા ડબલ મ્યૂટેન્ટ વાયરસની ચર્ચા દુનિયાભરમાં થઈ રહી છે. તો ચલો તમને જણાવીએ આખરે આ ડબલ મ્યૂટેન્ટ વાયરસ શું છે?

ભારતના આ નવા વેરિએન્ટને વૈજ્ઞાનિક રીતે  B.1.617 નામ આપવામાં આવ્યું છે. જેમાં બે પ્રકારના મ્યૂટેશન્સ  (E484Q —0 L452R) છે. આ વાયરસનું એવું સ્વરૂપ છે જેના જીનોમમાં બે વાર ફેરફાર થઈ ચૂકયો છે. હકીકતમાં વાયરસ પોતાની જેનેટિક સંરચનામાં ફેરફાર કરતા રહે છે. જેથી કરીને લાંબા સમય સુધી પ્રભાવી રહી શકે. ડબલ મ્યૂટેન્ટ વાયરસ બે મ્યૂટેટેડ સ્ટ્રેનના મળવાથી બને છે. ભારતમાં ફેલાઈ રહેલો ડબલ મ્યૂટેન્ટન વાયરસ E484Q અને L452Rના મળવાથી બન્યો છે. અત્રે જણાવવાનું કે L452R સ્ટ્રેન અમેરિકાના કેલિફોર્નિયામાં મળી આવે છે. જયારે E484Q સ્ટ્રેન ભારતમાં જોવા મળે છે.

ડબલ મ્યૂટેન્ટ વાયરસ બે સ્ટ્રેન  (E484Q ±Þõ L452R) ના મળવાથી બન્યો છે. જેનાથી વાયરસે વધુ સંક્રામક અને ખતરનાક સ્વરૂપ ધારણ કરી લીધુ છે. બંને સ્ટ્રેન વધુ સંક્રમણ દર માટે જાણીતા છે. L452R પર અમેરિકામાં અનેક અભ્યાસ થયા છે અને જાણવા મળ્યું છે કે તેનાથી સંક્રમણ ૨૦ ટકા સુધી વધે છે.

કોરોના ડબલ મ્યૂટેન્ટ વેરિએન્ટ B.1.167 પહેલીવાર ગત વર્ષે ઓકટોબરમાં ડિટેકટ થયો હતો. જો કે જીનોમ સિકવેન્સ ટેસ્ટિંગની ઝડપ ધીમી હોવાના કારણે તેના પર કોઈ નક્કર કામ થઈ શકયું નહીં. પરંતુ હવે જોખમ ખુબ વધી ગયું. તે તેજ ગતિથી આગળ વધી રહ્યો છે. આ વેરિએન્ટનું ધુ એક મ્યૂટેશન થયું છે જેને હવે ટ્રિપલ મ્યૂટેન્ટ વેરિએન્ટ કહેવાઈ રહ્યો છે.

(10:58 am IST)
  • આજે રાજકોટ શહેર - જિલ્લામાં કોરોના આંશિક શાંત પડ્યો : આજે સાંજ સુધીમાં રાજકોટ શહેરમાં 397 અને ગ્રામ્યના 119 કેસ સાથે કુલ 516 નવા કોરોના ના કેસ નોંધાયા access_time 7:54 pm IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST