Gujarati News

Gujarati News

News of Saturday, 21st November 2020

મહિલાઓના ખાતામાં ત્રણ લાખ જમા કરવાનો ફેક દાવો

યુટ્યુબ પર સમાચાર વાયરલ થયા : પ્રધાનમંત્રી ક્રેડિટ યોજના હેઠળ મહિલાઓના ખાતામાં કેન્દ્ર પૈસા જમા કરાવતી હોવાના સમાચાર વહેતા થયા

નવી દિલ્હી, તા. ૨૦ : યુટ્યુબ પર એક સમાચાર ઝડપથી વાયરલ થઈ રહ્યા છે, જેમાં દાવો કરવામાં આવ્યો છે કે કેન્દ્ર સરકાર 'પ્રધાનમંત્રી ક્રેડિટ યોજનાલ્લ હેઠળ મહિલાઓના ખાતામાં ૩ લાખ રૂપિયા જમા કરે છે. જ્યારે આ સમાચારની તપાસ કરવામાં આવી ત્યારે તે સંપૂર્ણ નકલી હોવાનું બહાર આવ્યું. સોશિયલ મીડિયા પર લોકોને ગેરમાર્ગે દોરવા અને છેતરપિંડી કરવા માટે આવા અનેક સમાચારો દિવસે દિવસે વાયરલ થઈ રહ્યા છે, કેન્દ્ર સરકાર સતત તેનાથી બચવા માટે લોકોને જાગૃત કરી રહી છે.

આ સમાચારમાં એમ કહેવામાં આવી રહ્યું છે કે 'વડા પ્રધાન ક્રેડિટ યોજનાલ્લ અંતર્ગત કેન્દ્ર સરકાર તમામ મહિલાઓના ખાતામાં ત્રણ લાખ રૂપિયાની રકમ આપી રહી છે. ભારત સરકારના સત્તાવાર ટ્વિટર હેન્ડલ પીઆઈબી ફેક્ટ ચેકએ સ્પષ્ટ કહ્યું છે કે આ સમાચાર નકલી છે. ભારત સરકારે આવી કોઈ જાહેરાત કરી નથી.

એક યુટ્યુબ વીડિયોમાં દાવો કરવામાં આવી રહ્યો છે કે કેન્દ્ર સરકાર 'વડા પ્રધાન ક્રેડિટ યોજનાલ્લ હેઠળ તમામ મહિલાઓના ખાતામાં ૩ લાખની રોકડ રકમ આપી રહી છે. પીઆઈબી ફેક્ટ ચેકઃ આ દાવો નકલી છે. કેન્દ્ર સરકાર દ્વારા આવી કોઈ યોજના ચલાવવામાં આવી રહી નથી.

અગાઉ પણ અન્ય એક યુટ્યુબ વીડિયોમાં દાવો કરવામાં આવ્યો હતો કે કેન્દ્ર સરકાર દ્વારા 'વડા પ્રધાન મહિલા સન્માન યોજનાલ્લ અંતર્ગત તમામ મહિલાઓને દર મહિને ૨૦૦૦ રૂપિયા  આપવામાં આવે છે. પીઆઈબી ફેક્ટ ચેક દ્વારા ટ્વીટ કરીને સ્પષ્ટ કરવામાં આવ્યું હતું કે કેન્દ્ર સરકાર આવી કોઈ યોજના ચલાવી રહી નથી.

(12:00 am IST)
  • કાશ્મીરમાં સંખ્યાબંધ સ્થળોએ ઈડીના દરોડા : જમ્મુ અને કાશ્મીર બેંકમાં શંકાસ્પદ વ્યવહારોને સાંકળતા મની લોન્ડરિંગ અંગેની તપાસના સંદર્ભે એન્ફોર્સમેન્ટ ડાયરેક્તટોરેટે આજે કાશ્મીરમાં અનેક જગ્યાએ દરોડા પાડયા છે. access_time 6:32 pm IST

  • ચીનના ૧૪ વર્ષના છોકરા રેન કેયુએ દુનિયાના ટોલેસ્ટ ટીનેજર (મેલ) નો ખિતાબ મેળવ્યો છે. તે ૭ ફુટ ૩.૦ર ઇંચ ઊંચો છે. ગિનેસ વર્લ્ડ રેકોડ્ર્સે તેના આ વિક્રમને માન્યતા આપી દીધી છે. access_time 11:38 am IST

  • ડ્રગ્સ કેસમાં લોકપ્રિય કોમેડિયન ભારતી સિંહની ધરપકડ : તેના પતિ હર્ષએ પણ ગાંજાનું સેવન કરતો હોવાની કબૂલાત કરી : 86.5 ગ્રામ ગાંજો ઝડપાયો : પૂછપરછ ચાલુ access_time 8:17 pm IST