Gujarati News

Gujarati News

News of Friday, 22nd January 2021

લાલુ યાદવની સ્થિતિ ગંભીર : શ્વાસ લેવામાં મુશ્કેલી, છાતીમાં ઇન્ફેક્શન

ઝારખંડના સ્વાસ્થ્ય મંત્રી બન્ના ગુપ્તા પણ લાલુ યાદવની તબીયત જાણવા પહોંચ્યા

રાંચી :આરજેડી સુપ્રીમો લાલુ પ્રસાદ યાદવની સ્થિતિ ગંભીર છે. તેઓ શ્વાસ લઈ શકતા નથી. તેમના ચેસ્ટમાં ઇન્ફેક્શન અને નિમોનિયાની ફરિયાદ છે. જાણકારી પ્રમાણે રાંચીની રિમ્સ હોસ્પિટલમાં પેઇંગ વોર્ડમાં ચારા કૌભાંડ મામલામાં સજા કાપી રહેલા લાલુ પ્રસાદ યાદવની તબીયત ગુરૂવારે સાંજે અચાનક બગડી હતી. ત્યારબાદ હોસ્પિટલમાં હડકંપ મચી ગયો હતો. જાણકારી મળતા ઝારખંડના સ્વાસ્થ્ય મંત્રી બન્ના ગુપ્તા પણ લાલુ યાદવની તબીયત જાણવા પહોંચ્યા હતા.

ડોક્ટરો પ્રમાણે લાલુ યાદવને શ્વાસ લેવામાં અચાનક મુશ્કેલી શરૂ થઈ હતી. તત્કાલ તેની સૂચના ડોક્ટરોને આપવામાં આવી હતી. સૂચના મળતા ઝારખંડના સ્વાસ્થ્ય મંત્રી બન્ના ગુપ્તા, રિમ્સ ડાયરેક્ટર ડો. વિવેક કશ્યપ અને લાલુ પ્રસાદ યાદવની સારવાર કરી રહેલા ડોક્ટર ઉમેશ પ્રસાદ તેમને જોવા પેઇંગ વોર્ડ પહોંચ્યા હતા.

લાલુ પ્રસાદની સ્થિતિ જાણ્યા બાદ બન્ના ગુપ્તા પરત ફર્યા છે. ડોક્ટર હજુ લાલુ પ્રસાદ યાદવની સારવારમાં લાગેલા છે. પ્રાપ્ત જાણકારી અનુસાર લાલુમાં નિમોનિયાના લક્ષણ જોવા મળી રહ્યા છે. કોરોના તપાસ માટે તેમના સેમ્પલ લેવામાં આવ્યા છે. રેપિડ એન્ટીજન ટેસ્ટમાં તેમનો રિપોર્ટ નેગેટિવ આવ્યો. તો આરટી પીસીઆરનો રિપોર્ટ આવવાનો બાકી છે. તેમનો એક્સ રે પણ કરવામાં આવ્યો છે. તેમાં થોડુ ઇન્ફેક્શન જોવા મળ્યું છે.

(12:00 am IST)
  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST