Gujarati News

મુંબઇ, તા.૨૨: મહારાષ્ટ્રમાં ચાલી રહેલા રાજકીય સંકટ વચ્ચે રાજ્યના રાજ્યપાલ ભગત સિંહ કોશ્યારીને હોસ્પિટલમાં દાખલ કરવામાં આવ્યા છે. પ્રાપ્ત માહિતી અનુસાર, રાજ્યપાલ ભગત સિંહ કોશ્યારીને HN રિલાયન્સ હોસ્પિટલમાં દાખલ કરવામાં આવ્યા છે. એવું કહેવામાં આવ્યું હતું કે મહારાષ્ટ્રના રાજ્યપાલ ભગત સિંહ કોશ્યરી મંગળવાર-બુધવારની મધ્યરાત્રિએ કોરોના સંક્રમિત મળી આવ્યા હતા. મોડી રાત્રે તેનો કોરોના પોઝિટિવ રિપોર્ટ આવ્યો હતો.

તમને જણાવી દઈએ કે રાજ્યમાં મહારાષ્ટ્ર સરકાર રાજકીય સંકટમાંથી પસાર થઈ રહી છે. મહાવિકાસ આઘાડીની ત્રણ પક્ષોની ગઠબંધન સરકારમાં શિવસેનાના ૩૫ ધારાસભ્યો બળવાખોર બન્યા છે. એકનાથ શિંદે બળવાખોર ધારાસભ્યોનું નેતૃત્વ કરી રહ્યા છે.રાજ્યમાં મહારાષ્ટ્ર સરકાર રાજકીય સંકટમાંથી પસાર થઈ રહી છે. મહાવિકાસ આઘાડીની ત્રણ પક્ષોની ગઠબંધન સરકારમાં શિવસેનાના ૩૫ ધારાસભ્યો બળવાખોર બન્યા છે.  શિંદેનો દાવો છે કે તેમની પાસે ૪૦ ધારાસભ્યોનું સમર્થન છે. એકનાથ શિંદે સહિત તમામ બળવાખોર ધારાસભ્યોની માંગ છે કે શિવસેના ભાજપની મદદથી સરકાર બનાવે.