Gujarati News

કાનપુર તા. ૨૨ : રોટોમેક ગ્રૂપના લોન કૌભાંડને જોઈને મોટા કૌભાંડોની તપાસ કરી રહેલી સીબીઆઈ પણ આશ્ચર્યચકિત  થઈ ગઈ છે. તપાસમાં સામે આવ્‍યું છે કે રોટોમેકે માત્ર ચાર કંપનીઓ સાથે રૂ. ૨૬,૧૪૩ કરોડનો બિઝનેસ કર્યો હતો. આ કંપનીઓનું સરનામું પણ એક જ છે, જે ૧૫૦૦ ચોરસ ફૂટનો હોલ છે. આﾍર્યની વાત એ છે કે આ ચારેય કંપનીઓમાં કર્મચારીઓ પણ એક જ છે. તેઓ કંપનીના સીઈઓ પણ છે.

આ ‘એર' કંપનીઓ સાથે અબજો કારોબારના આધારે બેંકોએ રોટોમેકને ૨૧૦૦ કરોડ રૂપિયાની લોન પણ આપી હતી. મંગળવારે પંજાબ નેશનલ બેંકની ફરિયાદ પર સીબીઆઈએ રોટોમેક ગ્‍લોબલના ડિરેક્‍ટરો રાહુલ કોઠારી, સાધના કોઠારી અને અજાણ્‍યા અધિકારીઓ વિરુદ્ધ રૂ. ૯૩ કરોડની છેતરપિંડીનો નવો કેસ નોંધ્‍યો છે. તપાસમાં રહસ્‍યો બહાર આવી રહ્યા છે.

સીબીઆઈના જણાવ્‍યા અનુસાર, રોટોમેક જૂથ સાથે કારોબાર કરતી ચાર કંપનીઓ રોટોમેકના સીઈઓ રાજીવ કામદારના ભાઈ પ્રેમલ પ્રફુલ કામદારની માલિકીની છે. રોટોમેકે આ ચાર કંપનીઓને કાગળમાં ઉત્‍પાદનોની નિકાસ કરી. આ તમામ કંપનીઓ બંજ ગ્રુપથી લઈને રોટોમેક સુધી માલ વેચતી હતી. એટલે કે જે કંપની માલ બનાવતી હતી તે તેનો માલ ખરીદતી હતી.

CBI તપાસમાં સામે આવ્‍યું છે કે ૨૬ હજાર કરોડનું ટર્નઓવર દર્શાવતી ચાર કંપનીઓમાં માત્ર એક જ કર્મચારી હતો - જેનું નામ પ્રેમલ પ્રફુલ્લ કામદાર હતું. ૧૫૦૦ ચોરસ ફૂટના રૂમમાં બેસીને તે પોર્ટથી લઈને લોડિંગ-અનલોડિંગ, બિલિંગ, એકાઉન્‍ટિંગ, ડિલિવરી સુધીનું તમામ કામ કરતો હતો. સીબીઆઈએ એ પણ આﾍર્ય વ્‍યક્‍ત કર્યું છે કે આવી એર કંપની સાથે બિઝનેસના આધારે બેંકોએ ૨૧૦૦ કરોડ રૂપિયાની લોન લિમિટ કેવી રીતે આપી. આ જ કારણ છે કે બેંક અધિકારીઓને પણ શંકાના દાયરામાં રાખવામાં આવ્‍યા છે.