Gujarati News

નવી દિલ્‍હી તા. ૨૫ : લખીમપુર ખીરીﾠકેસના આરોપી આશિષ મિશ્રાને લઈ મોટા સમાચાર સામે આવ્‍યા છે. સુપ્રીમ કોર્ટે લખીમપુર ખીરીﾠકેસના આરોપી આશિષ મિશ્રાને વચગાળાના જામીનﾠમંજૂર કર્યા છે. જોકે નોંધનીય છે કે,ﾠજામીનﾠઆપતી વખતે કોર્ટે આશિષને અનેક સૂચનાઓ આપી છે અને શરતો પણ મૂકી છે. ૮ અઠવાડિયા માટે વચગાળાના જામીન આપતા કોર્ટે કહ્યું કે, આશિષ દિલ્‍હી અને યુપીમાં રહી શકે નહીં.સુપ્રીમ કોર્ટના આદેશ મુજબ જામીનમાંથી મુક્‍ત થયાના એક સપ્તાહની અંદર આરોપી આશિષ મિશ્રાએ યુપી છોડવું પડશે. કોર્ટે એવી શરત મૂકી કે, આશિષે તેનું સરનામું પોલીસને જણાવવું પડશે અને તે દરરોજ પોલીસ સ્‍ટેશનમાં રિપોર્ટ કરશે. કોર્ટે કહ્યું કે, તે સાક્ષીઓને કોઈપણ રીતે પ્રભાવિત કરી શકે નહીં. તે તેના કોઈપણ સાક્ષીને મળશે નહીં. લખીમપુર ખીરીﾠકેસના આરોપી આશિષ મિશ્રાના જામીનﾠમંજૂર કરવાની સાથે સુપ્રીમ કોર્ટેﾠલખીમપુર ખીરીﾠઘટનામાં માર્યા ગયેલા આરોપીને મારી-મારીને હત્‍યા કરનારા ૪ ખેડૂતોના પણ વચગાળાનાﾠજામીનﾠમંજૂર કર્યા છે.ﾠલખીમપુર ખીરીના ટીકુનિયામાં અગાઉ લોહિયાળ સંઘર્ષ થયો હતો. જેમાં ચાર ખેડૂતો સહિત આઠ લોકોએ જીવ ગુમાવ્‍યો હતો. આ કેસમાં આરોપી કેન્‍દ્રીય મંત્રી અજય મિશ્રા ટેનીનો પુત્રﾠઆશિષ મિશ્રાﾠછે. આ ઘટનાને લઈને વિરોધ ચાલી રહ્યો છે અને રાજકીય માહોલ પણ ગરમાયો હતો