Gujarati News

નવી દિલ્હી, તા.૨૫ ઃ મહિન્દ્રા ગ્રુપના ચેરમેન આનંદ મહિન્દ્રા કન્યાકુમારીથી વૈષ્ણો દેવી સુધીની રોડ ટ્રિપ કરવા ઈચ્છે છે. તેમણે ટ્વીટર પર આ વાતની ઈચ્છા પ્રકટ કરી છે. તેમણે ટ્વીટર પર એક ન્યુઝ શેર કરતા પીએમ મોદી પાસે આ પ્રોજેક્ટને જલ્દીથી જલ્દી પૂરો કરવાનો આગ્રહ કર્યો.

વડાપ્રધાન મોદીએ રવિવારે એક કાર્યક્રમને સંબોધિત કરતા કહ્યુ કે એક ભારત શ્રેષ્ઠ ભારતનો હેતુ અંતરને ઓછુ કરે છે. તેમણે કહ્યુ કે સરકારનુ લક્ષ્ય જમ્મુ-કાશ્મીરને તમામ મોસમમાં કનેક્ટિવિટી પ્રદાન કરવાનુ છે. તેમણે કહ્યુ કે તે દિવસ દૂર નથી જ્યારે કન્યાકુમારીથી વૈષ્ણોદેવીની વચ્ચે સીધો માર્ગ હશે. 

આનંદ મહિંદ્રાએ પીએમ મોદીના ભાષણ સાથે જોડાયેલા એક સમાચાર શેર કરતા લખ્યુ, 'હા! કૃપા કરીને તેને શક્ય તેટલી વહેલી તકે બનાવો. કન્યાકુમારી સાથે વૈષ્ણોદેવી સુધીની રોડ ટ્રિપ મારી ઈચ્છાઓની લિસ્ટમાં સૌથી ઉપર થશે.

મહિંદ્રા દ્વારા ખુલીને ખ્વાહિશની રજૂઆત બાદથી લોકો સતત કોમેન્ટ કરી રહ્યા છે. એક યુઝરએ પ્રશ્ન કર્યો છે, સર, શુ આપ મને પોતાની ઈચ્છાઓની લિસ્ટ વિશે વધુ સારૃ જણાવી શકે છે.

અન્ય એક વ્યક્તિએ લખ્યું રસ્તાઓ હજુ પણ ખૂબ જ સારા છે. કેટલાક ભાગોને બાદ કરતાં. આજના સમયમાં પણ આવુ કરી શકાય છે. મેં વૈષ્ણો દેવીને પૂછ્યુ કન્યાકુમારી વચ્ચેનું લગભગ ૮૦ ટકા અંતર સડક દ્વારા આવરી લેવામાં આવે છે. ગુરુગ્રામથી એર્નાકુલમ અને પછી પાછા ગુરુગ્રામ.... ખૂબ આનંદ થયો.

એક વ્યક્તિએ માર્ગ દ્વારા બે સ્થળો વચ્ચે મુસાફરી દરમિયાન વસૂલવામાં આવતા ટોલ અંગે ચિંતા વ્યક્ત કરી છે. યુઝરે લખ્યું કે બસ ટોલ વિશે એક બાજુથી ૧૦,૦૦૦ રૃપિયા વિશે વિચારો.