Gujarati News

નવી દિલ્હીઃ નવું વર્ષ આવી રહ્યું છે અને તેની સાથે અમુક એવી વસ્તુઓ પણ બદલાઈ રહી છે જે આપણી રોજીંદા જીવનમાં પણ પ્રભાવિત કરશે. રૂપિયાની લેવડ- દેવડ, વીમા, કારની ખરીદી અને ધંધામાં પણ અસર પડશે. કરોડો લોકો પ્રભાવીત થશે. જો કે અમુક નિયમો એવા પણ છે જે નવા વર્ષથી અમલમાં આવશે. પરંતુ ૧ જાન્યુઆરીથી લાગુ નહી થાય.

* કોન્ટેકલેસ કાર્ડ ટ્રાન્જેકશનઃ- કોન્ટેકલેસ કાર્ડ ટ્રાન્જેકશનની સીમાને આરબીઆઈ દ્વારા ૧ જાન્યુઆરીથી વધારવાનો નિર્ણય કર્યો છે. ગ્રાહકો હવે બે હજારના બદલે પાંચ હજાર રૂપિયા સુધીનું ટ્રાન્ઝેકશન એક વખત કરી શકશે.

* ફાસ્ટેગ ફરજીયાતઃ- દેશમાં ૧ જાન્યુઆરી ૨૦૨૧થી તમામ વ્હીકલ્સ માટે ફાસ્ટેગનો નિયમ લાગુ પડશે.

* કાર- ટુ વ્હીલર મોંઘા થશેઃ- દેશમાં કારની કિંમતોમાં ૫ ટકાનો વધારો થઈ શકે છે. કેટલીક કાર કંપનીઓએ ભાવવધારાની જાહેરાત કરી દીધી છે. હીરો મોટોકોર્પ પણ બાઈક- સ્કૂટરમાં ૧ જાન્યુઆરીથી ભાવ વધારાની ઘોષણા કરી ચુકયું છે.

* લેન્ડ લાઈનથી મોબાઈલ કોલીંગઃ- આગામી ૧૫ જાન્યુઆરીથી દેશમાં લેન્ડલાઈનથી મોબાઈલ ફોન કરવાની રીતમાં બદલાવ આવશે. લેન્ડલાઈનથી મોબાઈલ લગાડવા માટે સૌ પહેલા ઝીરો લગાડવું પડશે.

* જીએસટીની ઈ- રસીદ બદલાશેઃ- જીએસટી કાનૂન અંતર્ગત ૧ જાન્યુઆરીથી બીટુબી ટ્રાન્જેકશન માટે ૧૦૦ કરોડથી વધુ ટર્નઓવર ઉપર ઈ- ઈનવોઈસ જરૂરી. ૧ એપ્રિલ ૨૦૨૧થી તમામ કરદાતાઓ માટે બીટુબી ટ્રાન્જેકશન ઉપર ઈ- ઈનવોઈસ જરૂરી રહેશે.

* જો ચેકથી ૫૦ હજાર ઉપર પેમેન્ટ હોય તોઃ- આરબીઆઈ દ્વારા ચેકથી પેમેન્ટ ઉપર પોઝિટીવ પે સિસ્ટમ લાગુ કરવાનો નિર્ણય કર્યો છે. ચેકમાં ૫૦ હજારથી વધુ પેમેન્ટ ઉપર જરૂરી. ડીટેલ્સ કન્ફર્મ કરવી પડશે. આ નિયમ ૧ જાન્યુઆરીથી લાગુ પડશે. જો કે તે ખાતેદાર ઉપર નિર્ભર છે કે તે આ સુવિધાનો લાભ લ્યે છે કે નહીં.

* સરલ જીવન વીમા થશે લોન્ચઃ- ઈરડા દ્વારા તમામ વીમા કંપનીઓને ૧ જાન્યુઆરીથી 'સરલ જીવન વીમા' લોન્ચ કરવાનું કહ્યું છે. જે સ્ટાન્ડર્ડ ટર્મ કંડીશન રહેશે. ગ્રાહકોને કંપનીઓ તરફથી અને અગાઉથી આપવામાં આવેલી જાણકારીના આધારે નિર્ણય માટે મદદ મળશે.

* મ્યુચ્યુઅલ ફંડના નિયમ બદલાયાઃ- સેબી દ્વારા મલ્ટીકેપ મ્યુચ્યુઅલ ફંડના નિયમો બદલ્યા છે. હવે ફંડમાં ૭૫ ટકા રોકાણ કરવું ફરજીયાત રહેશે. જો કે હજુ ન્યુનતમ ૬૫ ટકા છે. મલ્ટી કેપ ફંડમાં સ્ટ્રાકચરમાં ફેરફાર આવશે.

* યુપીઆઈ ટ્રાન્જેકશન મોંઘુઃ- એનપીસીઆઈ દ્વારા યુપીઆઈમાં પ્રોસેસ્ડ ટ્રાન્જેકશનના કુલ વોલ્યુમ ઉપર ૩૦ ટકા સીમા લગાડી છે. જે તમામ થર્ડપાર્ટી એપ પ્રોવાઈડર્સ માટે લાગુ રહેશે. જેના લીધે થર્ડ પાર્ટીને રૂપિયા મોકલવા મોંઘુ પડશે.

* અમુક ફોનમાં વોટસએપ નહી ચાલેઃ- આગામી વર્ષની શરૂઆતથી અમુક એન્ડ્રોડ અને આઈઓએસ સ્માર્ટફોનમાં વોટ્સએપ નહી ચાલે અમુક ડીવાઈસમાં કામ નહી કરે. જેમાં ઓછામાં ઓછુ એન્ડ્રોઈડ ૪.૦.૩ ઓપરેટીંગ સિસ્ટમ્સ અને આઈઓએસ ૯ નથી.

* નાના વેપારને રાહત મળશેઃ- એક વર્ષમાં પાંચ કરોડ રૂપિયા સુધીનો વેપાર કરનારા વેપારીઓને જાન્યુઆરીથી ૪ ટકા  રીટર્ન (જીએસટીઆરપી) ભરવું પડશે.