Gujarati News

Gujarati News

News of Saturday, 27th February 2021

ગુજરાત સહિત ૮ રાજ્યોને કડક પગલાંનો કેન્દ્રનો આદેશ

કોરોનાનું સંક્રમણ વધતાં સરકારની ચિંતા વધી : ૮ રાજ્યના ચીફ સેક્રેટરી સાથે કેબિનેટ સચિવે બેઠક યોજી ગાઇડલાઇનના કડક પાલન પર જોર આપવા સુચના આપી

નવી દિલ્હી, તા. ૨૭ : દેશના કેટલાક રાજ્યોમાં કોરોના સંક્રમણના કેસોમાં અચાનક આવેલા ઉછાળાથી દેશભરમાં ચિંતાની લહેર ફરી વળી છે. પરિસ્થિતિને ધ્યાનમાં રાખીને કેબિનેટ સચિવ રાજીવ ગૌબાએ મહારાષ્ટ્ર, પંજાબ, ગુજરાત, મધ્ય પ્રદેશ, છત્તીસગઢ, પશ્ચિમ બંગાળ, તેલંગાણા અને જમ્મુ-કાશ્મીરના ચીફ સેક્રેટરી સાથે ઉચ્ચ સ્તરની બેઠક કરી હતી. આ રાજ્યોમાં વિતેલા દિવસો દરમિયાન સંક્રમણના કેસો વધી રહ્યા છે. બેઠક દરમિયાન કેબિનેટ સચિવે રાજ્યોને સાવચેતી અને જાગૃકતા વધારવાના નિર્દેશ આપ્યા હતા. આ રાજ્યોમાં સરકારે કોરોના ગાઇડલાઇનના કડક પાલન પર જોર આપતાં દૈનિક સ્તરે કોવિડ ટેસ્ટિંગ વધારવાના આદેશ કર્યા હતા. રસીકરણ અભિયાન વચ્ચે વિતેલા દિવસોમાં દેશભરમાં કોરોના સંક્રમણના કેસોમાં વધારો નોંધાયો હતો. જેના લીધે પ્રભાવિત રાજ્યો  અને પ્રદેશોમાં કડક પ્રતિબંધો ફરીથી લાગૂ કરવાની સ્થિતિ પેદા થઇ હતી.

સૌથી વધુ પ્રભાવિત રાજ્ય મહારાષ્ટ્રમાં પણ સ્થિતિ ગંભીર પરિણામ લઇ ચૂકી છે. અહીં દૈનિક સ્તરે સૌથી વધુ ૮,૩૩૩ નવા કેસ સામે આવ્યા હતા અને કેસમાં સતત વધારો જોવા મળી રહ્યો છે. અહીંના ૩૬માંથી ૨૮ જીલ્લાઓમાં કોરોના સંક્રમણના કેસ સતત વધી રહ્યા છે, જ્યારે વિતેલા ૧૦ દિવસમાં ૨૧ જીલ્લાઓમાં સંક્રમણ વધ્યુ હોવાના સરકારી અહેવાલ છે. વિદર્ભ, અમરાવતી, અકોલા અને યવતમાલ કોરોના સંક્રમણના નવા હોટસ્પોટ તરીકે ઉભરી આવવાથી મહારાષ્ટ્ર ફરી એકવાર કોરોના સંક્રમણની ઝપેટમાં આવતું દેખાઇ રહ્યું છે.

બીજી તરફ કેરળમાં દૈનિક ૩૬૭૧ અને પંજાબમાં ૬૨૨ નવા કેસ સામે આવતા કેન્દ્ર સરકાર માટે ચિંતા વધી રહી છે. સ્વાસ્થ મંત્રાલયના જણાવ્યા મુજબ વિતેલા ૨૪ કલાકમાં દેશભરમાંથી ૧૬ હજારથી વધુ કેસ સામે આવ્યા હતા, જેમાંથી ૮૫.૭૫ ટકા કેસ છ રાજ્યો અને કેન્દ્રશાસિત પ્રદેશોમાંથી સામે આવ્યા હતા.

ઉલ્લેખનીય છે કે દેશમાં હાલ કોરોના રસીકરણ અભિયાન ચાલી રહ્યું છે અને પહેલી માર્ચથી રસીકરણનો બીજો તબક્કો શરુ થશે, એવામાં દેશમાં કોરોના સંક્રમણે ફરીવાર માથુ ઉંચકતા કેન્દ્ર સરકારે રાજ્યોને રસીકરણ ઝડપી બનાવવાના ઉપાયો અમલમાં લાવવાના આદેશ આપ્યા હતા.

(9:20 pm IST)
  • માર્ચ મહિનાથી દેશમાં ચાર મોટા બદલાવ : 60 વર્ષથી વધુની વયના અને 45 વધુ ઉંમરના બીમારી સામે ઝઝૂમતા લોકોનું થશે રસીકરણ :વિવાદથી વિશ્વાસ યોજનાનો લાભ લેવાની મુદત 31મી માર્ચ સુધી વધારી દેવાઈ :બેન્ક ઓડ બરોડામાં વિલય થતા દેનાબેંક અને વિજ્યાબેન્કના ખાતેદારોના એકાઉન્ટ નંબર અને આઇએફએસસી કોડ નવા લાગશે :બિહાર અને ઉત્તર પ્રદેશમાં ધોરણ પાંચ સુધીના બાળકો સ્કૂલે જઈ શકશે access_time 12:24 am IST

  • કોરોના વાયરસ, બાર્ડ બ્લુ બાદ હવે પર્વો વાયરસથી ખળભળાટ : યુપીના કાનપુરમાં પર્વો વાયરસની ઘાતક અસરથી 8 શ્વાનોએ જીવ ગુમાવ્યો :બે કુતરાઓના પીએમ રિપોર્ટમાં આંતરડા સડી ગયાનો ઘટસ્ફોટ : કુતરાના મોત પહેલા લોહીની ઉલ્ટી પણ થઈ હતી access_time 12:29 am IST

  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST