Gujarati News

જયપુર, તા.૨૭: રાજસ્થાનના ધૌલપુર જિલ્લામાં એક વિચિત્ર ઘટના સામે આવી છે. જયાં એક બકરો દૂધ આપે છે. રસપ્રદ વાત તો એ છે કે, આ બકરાના માલિક જણાવે છે કે, અમે તો આ બકરાનું દૂધ પણ પીએ છીએ.

આ મામલો ધૌલપુરના ગુર્જાનો છે. જયાં એક બકરામાં હોર્મોનમાં થયેલા ફેરફારના કારણે સવાર-સાંજે મળીને કુલ અડધો લીટરની આસપાસ દૂધ આપે છે. બકરાના માલિક રાજવીર ૧૬ મહિના પૂર્વે આ બકરાને પશુ હાટમાંથી અઢી હજારમાં તેને ખરીદીને લાવ્યા છે.

૧૬ માસ પૂર્વે ખરીદી લાવેલા આ બકરામાં ૬ મહિના પહેલા માદા બકરીના હોર્મોન વિકસીત થવા લાગ્યા હતા. જેના કારણે આ બકરો દૂધ આપવા લાગ્યો હતો.હવે સમગ્ર પરિવાર આ બકરાના દૂધનું સેવન કરે છે. તેમને આ દૂધ પીવાથી કોઈ વાંધો નથી. આ બકરામાં નર અને માદા એમ બંને પ્રકારના અંગ છે.

આજૂબાજૂ ગામના લોકો પણ આ બકરાને જોવા માટે આવી રહ્યા છે. સમગ્ર જિલ્લામાં આ બકરાની વાતો થઈ રહી છે. જિલ્લામાં જયારે આ પ્રકારની વાત બહાર આવી તો , દૂર દૂરથી લોકો જોવા માટે આવી રહ્યા છે.