Gujarati News

નવી દિલ્હી: ફિલ્મ કામસૂત્ર ફેમ અભિનેત્રી શર્લિન ચોપડા છેલ્લા કેટલાક મહિનાથી પોર્નોગ્રાફી મામલાના કારણે ચર્ચામાં છે. હાલ તો આ કેસમાં ફસાયેલા શિલ્પા શેટ્ટીના પતિ રાજ કુન્દ્રાનો જામીન પર છૂટકારો થઈ ચૂક્યો છે. પરંતુ હવે શર્લિન ચોપડાએ આ સેલિબ્રિટી કપલ પર ગંભીર આરોપ લગાવ્યા છે. શર્લિન ચોપડાએ કહ્યું કે શિલ્પાએ તેને અંડરવર્લ્ડની ધમકી આપી છે.

શિલ્પાએ મોકલી માનહાનીની નોટિસ

વાત જાણે એમ છે કે ન્યૂઝ એજન્સી એએનઆઈ સાથે વાતચીતમાં શર્લિને આ વાતનો  ખુલાસો કર્યો છે. તેણે કહ્યું કે 'શિલ્પા શેટ્ટી અને તેના પતિ રાજ કુન્દ્રાએ મને અંડરવર્લ્ડની ધમકી આપી.' આ ખબર મુજબ શર્લિને એમ પણ કહ્યું કે 'તેમણે હવે મને માનહાનિની નોટિસ મોકલી. પરંતુ હું ડરીશ નહીં. હું પોલીસને મારા નિવેદન નોંધવાની અપીલ કરુ છું. જેથી કરીને મારી ફરિયાદ ગંભીરતાથી લેવામાં આવે.'

શર્લિન પાસે માંગ્યા 75 કરોડ રૂપિયા

અત્રે જણાવવાનું કે આ ખબરમાં એવું પણ જણાવવામાં આવ્યું છે કે રાજ કુન્દ્રા અને શિલ્પા શેટ્ટીએ ગત દિવસોમાં શર્લિન પાસે માનસિક સતામણી બદલ 75 કરોડ રૂપિયા માંગવાની નોટિસ ફટકારી હતી. જેની જવાબી નોટિસ શર્લિને મોકલી દીધી છે.

શર્લિને નોંધાવી હતી ફરિયાદ

અત્રે જણાવવાનું કે હાલમાં જ શર્લિન ચોપડાએ રાજ કુન્દ્રા અને શિલ્પા શેટ્ટી વિરુદ્ધ કથિત રીતે યૌન શોષણ, ફ્રોડ, અપરાધિક ધમકી બદલ ફરિયાદ નોંધાવી હતી. ત્યારબાદ શિલ્પા શેટ્ટી અને રાજ કુન્દ્રાએ પણ માનસિક સતામણી અને માનહાનિનો દાવો ઠોકતા શર્લિન ચોપડા વિરુદ્ધ 50 કરોડ રૂપિયાનો કેસ દાખલ કર્યો હતો.

કર્યો હતો પલટવાર

ત્યારબાદ એકવાર ફરીથી શર્લિન ચોપડાએ રાજ કુન્દ્રા અને શિલ્પા શેટ્ટી વિરુદ્ધ પોલીસમાં ફરિયાદ નોંધાવી હતી. જેમાં શર્લિને મેન્ટલ અને સેક્સ્યુઅલ હેરેસમેન્ટ સાથે ફ્રોડનો આરોપ લગાવતા કેસ દાખલ કર્યો હતો.

ઘર પર જઈને યૌન શોષણની કરી વાત

આ મામલે તાજેતરમાં પ્રેસ કોન્ફરન્સમાં શર્લિને નિવેદન આપ્યું હતું, 'શરીર દેખાડાવીને તમે એ છોકરીઓનું પેમેન્ટ ક્લિયર કેમ નથી કરતા? તમે તેમને ટોપી કેમ પહેરાવો છો? શું આ જ હોય છે એથિકલ બિઝનેસ? તમારે બિઝનેસમેન બનવું છે, જાઓ શીખો, ટાટા કેવી રીતે બિઝનેસ કરે છે. એથિક્સ સાથે કરે છે. જે વચન આપે છે તે નિભાવે છે અને તમે શું કરો છો? તમે આર્ટિસ્ટના ઘરે જઈને તેમનું શારીરિક શોષણ કરો છો. તેમના ઘરે જઈને તેને અંડરવર્લ્ડની ધમકી આપે છે. કહે છે શારીરિક શોષણનો કેસ પાછો લે નહીં તો તારી જિંદગી બરબાદ થઈ જશે.'