Gujarati News

રિઝર્વ બેંક ઓફ ઇન્ડિયા (RBI) એ દેશની સૌથી મોટી ખાનગી બેંક એચડીએફસી બેંક પર 10 કરોડ રૂપિયા નાણાકીય દંડ ફટકાર્યો છે. આ દંડ બેન્કિંગ રેગ્યુલેશન એક્ટની કલમ 6 (2) અને ૮ ની જોગવાઈઓના ઉલ્લંઘન માટે લાદવામાં આવ્યો છે. સેન્ટ્રલ બેંકે કહ્યું કે નિયમનકારી પાલનમાં ગેરરીતિઓને કારણે આ કાર્યવાહી કરવામાં આવી છે.

રિઝર્વ બેંકે એક નિવેદનમાં જણાવ્યું છે કે બેંકના ઓટો લોન પોર્ટફોલિયોને લઈને અનેક ફરિયાદો મળી હતી. જેની તપાસમાં અનેક ગેરરીતિઓ મળી હતી.

તાજેતરમાં જ આરબીઆઈએ આઈસીઆઈસીઆઈ બેંક પર 3 કરોડનો દંડ ફટકાર્યો હતો. આરબીઆઈએ એક નિવેદનમાં જણાવ્યું છે કે 1 જુલાઈ, 2015 ના રોજ જારી કરાયેલ વર્ગીકરણ મૂલ્યાંકન અને રોકાણના પોર્ટફોલિયોના સંચાલન માટેના માસ્ટર સર્ક્યુલેશન-પ્રુડેન્શિયલ નોર્મના જરૂરી માર્ગદર્શિકાના ઉલ્લંઘન માટે દંડ ફટકારવામાં આવ્યો હતો. સેન્ટ્રલ બેંકે કહ્યું હતું કે આ કાર્યવાહી નિયમનકારી પાલનમાં ગેરરીતિઓને લીધે કરવામાં આવી છે.

તાજેતરમાં જ ભારતીય રિઝર્વ બેંકે નિયમોના ભંગ બદલ મહારાષ્ટ્રની એક સહકારી બેંકને પણ દંડ ફટકાર્યો હતો. આરબીઆઇએ જણાવ્યું હતું કે પ્રિયદર્શિની મહિલા નાગરી સહકારી બેંકને રૂ ૧ લાખનો દંડ ફટકારાયો છે. સુપરવાઇઝરી એક્શન ફ્રેમવર્ક હેઠળ અપાતી કેટલીક સૂચનાઓનું પાલન ન કરવા માટે કાર્યવાહી કરાઈ હતી. સેન્ટ્રલ બેંકે જણાવ્યું હતું કે બેંકિંગ રેગ્યુલેશન એક્ટ, 1949 સોંપાયેલ સત્તાઓ હેઠળ દંડ કરવામાં આવ્યો છે.