Gujarati News

લંડન,તા. ૨૯: યુનાઇટેડ કિંગડમ સરકારે ગઇ કાલે ફાર્મા કંપની જોનસન & જોનસન એક શોટ રસીને મંજૂરી આપી છે. આરોગ્ય પ્રધાન મેટ હેનકોકે કહ્યું કે, આ નિર્ણયથી યુકેના સફળ કોરોના રસીકરણ પ્રોગ્રામને વધુ મજબૂત બનાવશે. હવે આપણી પાસે ચાર સલામત રસી છે જેના દ્વારા લોકોને રસી આપવામાં આવશે. સરકારનું માનવું છે કે, સિંગલ શોટ રસી આવતા મહિનાઓમાં રસીકરણમાં મોટો ફરક પાડશે.

બ્રિટને આ રસીના ૨ કરોડ ડોઝ મંગાવ્યા છે. યુ.એસ. ટ્રાયલ દરમિયાન, જોનસન& જોનસનનો રસી હળવા અને ગંભીર કોરોના ચેપને રોકવા માટે ૭૨ ટકા અસરકારક હોવાનું જાણવા મળ્યું છે. બ્રિટને અત્યાર સુધીમાં ૬.૨ મિલિયન રસી ડોઝ ઇન્જેકટ કર્યા છે. રસીનાં મોટાભાગનાં ડોઝ ઓકસફર્ડ-એસ્ટ્રાઝેનેકા અને ફાઇઝર રસીનાં છે. આ સિવાય, મોડર્નાની રસી પણ મંજૂરી આપવામાં આવી છે.

મહત્વનું છે કે, છેલ્લા દ્યણા મહિનાઓથી સતત ઘટતા જતા નવા કેસો પછી યુકેમાં હવે ફરી એકવાર કેસ વધી રહ્યા છે. B1.617.2 વેરિએન્ટ વધતા જતા મામલાને ધ્યાનમાં રાખીને, કેટલાક ચોક્કસ ક્ષેત્રોમાં ફરીથી પ્રતિબંધો વધારવામાં આવ્યા છે. સરકારના આ પગલાની રસી શરૂ થઈ ગઈ છે. યુકેએ મંગળવારે બિન-આવશ્યક પ્રવાસો પર પ્રતિબંધ મૂકવા અને કોરોના વાયરસના B1.617.2 વેરિએન્ટ સાથે વ્યવહાર કરવા માટે વધારાના માર્ગદર્શિકા જાહેર કર્યું હતું. બોરિસ જહોનસન સરકાર પર 'મુંઝવણ અને અનિશ્ચિતતા'નો આરોપ મૂકવામાં આવી રહ્યો છે. ઓગસ્ટ સુધી ઓછામાં ઓછી એક રસી ડોઝનો દાવો કરવામાં આવ્યો

થોડા દિવસો પહેલા સરકારની રસી ટાસ્કફોર્સના વડા કલાઇવ ડિકસે દાવો કર્યો હતો કે, ઓગસ્ટ સુધીમાં નવા કોરોના વાયરસ બ્રિટનમાં ફેલાવો બંધ કરશે. ડીકસે આશા વ્યકત કરી હતી કે, જુલાઈના અંત સુધીમાં, બ્રિટનમાં તમામ લોકોને ઓછામાં ઓછી એક વાર રસી મળી હશે. તેમણે કહ્યું હતું કે, ત્યાં સુધીમાં 'અમે લોકોને તમામ જાણીતા પ્રકારોથી સુરક્ષિત કરીશું.