Gujarati News

હૈદરાબાદ,તા. ૨૯: હૈદરાબાદ શહેરની એક પ્રાઈવેટ હોસ્‍પિટલમાં એક ૨૭ વર્ષીય મહિલાએ ચાર બાળકોને જન્‍મ આપ્‍યો છે. મહિલાનું ઓપરેશન કરનારા તબીબોમાંથી એકે જણાવ્‍યું કે મહિલાએ હોસ્‍પિટલમાં મંગળવારે સાંજે ઓપરેશનની મદદથી એક છોકરા અને ત્રણ છોકરીઓને જન્‍મ આપ્‍યો છે. તબીબોએ જણાવ્‍યું કે, માતા અને બાળક બન્ને સ્‍વસ્‍થ છે. તમામ નવજાત બાળકોનું વજન એક કિલો કરતા વધારે છે.
વિગતવાર વાત કરીએ તો, હૈદરાબાદ શહેરના મહેદીપટ્ટનમ વિસ્‍તારમાં આવેલી મીના હોસ્‍પિટલમાં ૨૬મી ઓક્‍ટોબરના રોજ ૨૭ વર્ષીય એક મહિલાએ એકસાથે ચાર બાળકોને જન્‍મ આપ્‍યો હતો. આ કેસ વિષે જાણીને તબીબો સહિત તમામ લોકો ચોંકી ગયા હતા. મીના મલ્‍ટીસ્‍પેશિયાલિટી હોસ્‍પિટલના પ્રસૂતિ અનેસ્ત્રી રોગોના નિષ્‍ણાંત ડોક્‍ટર સોહેબા શુકૂનું કહેવું છે કે, મહિલાએ એક દીકરા અને ત્રણ દીકરીઓને જન્‍મ આપ્‍યો છે.
૩૪ અઠવાડિયાની ગર્ભવતી મહિલાનું બ્‍લડ પ્રેશર નિયંત્રણમાં નહોતુ રહેતું, માટે તે બે મહિનાથી દવાઓ લઈ રહી હતી. ડોક્‍ટરે કહ્યું કે, ઓપરેશન દરમિયાન મહિલાનું બીપી અવારનવાર દ્યટી રહ્યુ હતું અને લોહી પણ દ્યણું વધારે વહી ગયુ હતું. પરંતુ હમણાં તેમની સ્‍થિતિ સ્‍થિર છે. આ ઓપરેશન લગભગ ત્રણ કલાક સુધી ચાલ્‍યુ હતું. દીકરાનું વજન દોઢ કિલો, અને ત્રણ દીકરીઓનું વજન ૧.૫ કિલો, ૧.૪ કિલો અને ૧.૩ કિલો હતું.
જે બે બાળકોનું વજન દોઢ કિલો હતું તેમનું સ્‍વાસ્‍થ્‍ય ઘણું સારું છે અને તેમને નોર્મલ રુમમાં રાખવામાં આવ્‍યા છે. અને અન્‍ય બે બાળકોને લો ઓક્‍સિજન સપોર્ટ પર રાખવામાં આવ્‍યા છે. માતાની તબિયત પણ સારી છે પરંતુ કોઈને મળવાની મંજૂરી આપવામાં નથી આવી. ડોક્‍ટરના જણાવ્‍યા અનુસાર, સ્‍કેન દ્વારા અમને ખબર પડી ગઈ હતી તે ચાર બાળકોનો જન્‍મ થવાનો છે. સાતમા મહિના સુધી માતાની તબિયત સારી હતી, પરંતુ પછી માતાને હાઈ બ્‍લડ પ્રેશરની સમસ્‍યા શરુ થઈ હતી. સામાન્‍યપણે સી સેક્‍શન ઓપરેશનમાં ૪૫ મિનિટનો સમય લાગે છે, પરંતુ આ સર્જરી ૩ કલાક ચાલી હતી.