Gujarati News

ચંડીગઢ, તા.૩૦: પંજાબ અને હરિયાણા હાઈકોર્ટે વરિષ્ઠ નાગરિક અધિનિયમ અંતર્ગત બેદખલના આદેશના મૂળ સ્વરૂપમાં રાખ્યો છે. જે અંતર્ગત દિકરો એવુ કહીને પિતાના મકાનમાં રહેવાની જીદ કરી શકતો નથી કે, ઘરના રિનોવેશનમાં તેણે ખર્ચો કર્યો છે.

આ મામલો એક પિતાએ પોતાના દિકરા અને વહુની દખલગીરી કરવા સાથે જોડાયેલો છે. જે પંજાબ અને હરિયાણા હાઈકોર્ટમાં માતા-પિતા અને વરિષ્ઠ નાગરિકોને ભરણપોષણ અને કલ્યાણ અધિનિયમ ૨૦૦૭ અંતર્ગત આદેશને મૂળ સ્વરૂપમાં રાખ્યો હતો.

આ મામલામાં દિકરાએ દલીલ આપી હતી કે, તેણે મકાનના ગ્રાઉંડ ફ્લોરનું રિનોવેશન કરાવ્યુ હતું. જો કે તેમ છતાં પણ પિતાએ ગિફ્ટ અથવા કોઈ અન્ય દસ્તાવેજ દ્વારા મકાન દિકરાના નામે ટ્રાંસફર કર્યુ નહોતું.

આ મામલામાં કોર્ટે સ્પષ્ટ્ કહી દીધુ છે કે, દિકરો એવુ કહીને મકાનમાં રહેવાનો દાવો ઠોકી શકે નહીં, કે તેણે દ્યરનું રિનોવેશન કરાવ્યુ હતું અને આ તેનો અધિકાર છે.

આ દરમિયાન કોર્ટે એમ પણ કહ્યું કે જયારે બાળકો ભાગ્યની મદદથી તેમના માતા -પિતાને છોડીને પોતાની તાકાતથી પરેશાન કરે છે ત્યારે માતા -પિતાની દુનિયા વિખેરાઈ જાય છે.

પંજાબ અને હરિયાણા હાઇકોર્ટે કહ્યું કે જીવનમાં દ્યણી મુશ્કેલીઓ છે પરંતુ તકો પણ છે. આ તકોનો ઉપયોગ એવા લોકો સામે ન થવો જોઈએ જેમણે તમને ઉછેર્યા હતા.

આ દરમિયાન જસ્ટિસ હરનરેશ સિંહ ગિલની ખંડપીઠે ગુરુ ગ્રંથ સાહિબનો ઉલ્લેખ કર્યો અને કહ્યું કે બાળકોએ તેમના માતા -પિતાને ભગવાન માનવા જોઈએ. જણાવી દઈએ કે આ કેસમાં પિતાએ પુત્ર અને પુત્રવધૂને બેદખલ કરવા માટે અરજી કરી હતી, કારણ કે પુત્ર અને પુત્રવધૂ તેમની સાથે યોગ્ય રીતે વર્તતા ન હતા અને મિલકત પચાવી પાડવા માંગતા હતા.

જયારે અરજદાર (પુત્ર અને પુત્રવધૂ) એ કહ્યું હતું કે ઘર સંયુકત હિંદુ પરિવારની મિલકત છે અને તેમને આ મકાનમાંથી કાઢી ન શકાય, કારણ કે તેમણે આ મકાનમાં રંગરોગાન કરાવી રિનોવેશન કરાવ્યું છે. આ કેસમાં પિતાએ દલીલ કરી હતી કે આ ઘર પોતે બનાવેલું છે, તે સંયુકત હિન્દુ પરિવારની મિલકત નથી. આવી સ્થિતિમાં કોર્ટે સ્પષ્ટ કર્યું કે સિનિયર સિટિઝન્સ એકટ હેઠળ હાંકી કાઢવાની જોગવાઈ છે, તેથી દીકરાની અરજી ફગાવી દેવામાં આવે છે.