અરવિંદ કેજરીવાલના કહેવાથી જ 15 કરોડની લાંચ આપી:સુકેશ ચંદ્રશેખરના દિલ્હીના મુખ્યમંત્રી પર ગંભીર આરોપ

News of Friday, 31st March 2023

અરવિંદ કેજરીવાલના કહેવાથી જ 15 કરોડની લાંચ આપી:સુકેશ ચંદ્રશેખરના દિલ્હીના મુખ્યમંત્રી પર ગંભીર આરોપ

મેં દિલ્હીના મુખ્યમંત્રી સાથે વોટ્સએપ અને ટેલિગ્રામ પર વાતચીત કરી: આ ચેટ્સના 700 પેજ પણ છે: ઉપરાંત 2020માં તેલંગાણા રાષ્ટ્ર સમિતિની ઓફિસમાં અરવિંદ કેજરીવાલને 75 કરોડ રૂપિયા મોકલ્યા હોવાનો પણ સુકેશના પત્રમાં દાવો

નવી દિલ્હી : છેતરપિંડીના અનેક મામલામાં દિલ્હીની મંડોલી જેલમાં કેદ સુકેશ ચંદ્રશેખરે દાવો કર્યો છે કે, તેણે દિલ્હીના મુખ્યમંત્રી અરવિંદ કેજરીવાલને 75 કરોડ રૂપિયા આપ્યા છે. સુકેશ ચંદ્રશેખરે એક પત્રમાં દાવો કર્યો છે કે, તેઓ દિલ્હીના મુખ્યમંત્રી સાથે વોટ્સએપ અને ટેલિગ્રામ પર વાતચીત કરતા હતા, અને ત્યારબાદ આ ચેટ્સના 700 જેટલા પેજ નીકાળવામાં આવ્યા છે. આ ઉપરાંત, સુકેશે દાવો કર્યો છે કે, તેણે 2020માં તેલંગાણા રાષ્ટ્ર સમિતિની ઓફિસમાં અરવિંદ કેજરીવાલને 75 કરોડ રૂપિયા મોકલ્યા હતા. સુકેશે તાજેતરના સમયમાં આવા ઘણા આક્ષેપો કર્યા છે, જોકે, આ દાવાઓની કોઈ પુષ્ટિ થઈ નથી. સુકેશે આ પત્ર એડવોકેટ અનંત મલિક દ્વારા બહાર પાડ્યો છે. જોકે, બહાર પડાયેલા નિવેદનમાં કહેવામાં આવ્યું છે કે, “કેજરીવાલ જી, હું 2020 સંબંધિત ચેટનું ટ્રેલર રિલીઝ કરવા જઈ રહ્યો છું, જેમાં 15 કિલો ઘી કરોડો રૂપિયા તમારા અને શ્રી જૈન (દિલ્હીના ભૂતપૂર્વ આરોગ્ય પ્રધાન સત્યેન્દ્ર જૈન) કોડ વર્ડ તરફ નિર્દેશિત છે. મેં અંગત રીતે મોકલેલ છે. એટલે કે, તમારા વતી, રાજકીય પક્ષ TRSના કાર્યાલયમાં એક્સાઇઝ કેસમાં આરોપી વ્યક્તિને 15 કરોડ રૂપિયા આપવામાં આવ્યા હતા.

(9:31 pm IST)