Gujarati News

કાબુલ : અફઘાનિસ્તાનમાં તાલિબાનનો કબ્જો થયા બાદ અફઘાનની ધરતીનો ઉપયોગ કોઈ અન્ય દેશ વિરુદ્ધ ના થાય તેવી માંગ અંગેનો પ્રસ્તાવ સંયુક્ત રાષ્ટ્ર સુરક્ષા પરિષદમાં પ્રસ્તાવ પાસ થયો છે. આ પ્રસ્તાવ પસાર કરાવવામાં ભારતની ભૂમિકા મહત્ત્વપૂર્ણ રહી. સૂત્રોએ જણાવ્યું કે, 5 સ્થાયી અને 10 અસ્થાયી સભ્યોના આ સંગઠનમાં પ્રસ્તાવને પાસ કરાવતા કહેવામાં આવ્યું કે- તાલિબાને પોતાના વાયદાનું પાલન કરવું જોઈએ.

બીજી તરફ તાલીબાને એ વાત સુનિશ્ચિત કરવી પડશે કે અફઘાનિસ્તાનની જમીનનો ઉપયોગ અન્ય દેશ વિરુદ્ધ ના કરવામા આવે. આ ઉપરાંત તાલિબાન અફઘાનિસ્તાન છોડવા માંગતા લોકોને સુરક્ષિત જવા દે તેવી માંગ પણ કરવામા આવી હતી. આ સાથે અફઘાનમાં માનવતાના ધોરણે મદદ કરતા સંગઠનોને અટકાવવામાં ના આવે તેમ પણ પ્રસ્તાવમાં માંગ કરવામા આવી હતી. ભારતે આ પ્રસ્તાવ મુદ્દે અમેરિકા અને યુએનએસસીના અન્ય સભ્યો સાથે વાત કરી હતી.