Gujarati News

રાજકોટ તા. ૩ : શહેરના ઢેબર રોડ પર આવેલા ગોપાલનગરમાં રહેતા વૃધ્ધને મકાન અને દુકાન લઇ લેવાના ઇરાદે પુત્ર અને પુત્રવધૂએ માર મારી ધમકી આપતા ફરિયાદ થઇ છે.

મળતી વિગત મુજબ ઢેબર રોડ પર આવેલા ગોપાલનગર શેરી નં. ૯માં રહેતા રમેશભાઇ મેઘજીભાઇ રાઠોડ (ઉ.૬૨) પાંચ દિવસ પહેલા ઘરમાં જ પોતાની દુકાને હતા ત્યારે તેનો પુત્ર ભાવેશ અને તેની પત્ની પૂજાએ આવી મકાન અને દુકાન લઇ લેવાના ઇરાદે પિતા રમેશભાઇ સાથે ઝઘડો કરી ગાળો આપી ઢીકાપાટુનો માર મારી જાનથી મારી નાખવાની ધમકી આપી હતી. દેકારો બોલતા આસપાસના લોકો એકઠા થઇ જતા બંને ભાગી ગયા હતા. પુત્ર અને પુત્રવધૂ ઘણા સમયથી મકાન લઇ લેવાના ઇરાદે હેરાન કરતા હોઇ તેથી વૃધ્ધે ભકિતનગર પોલીસ મથકમાં ફરિયાદ નોંધાવતા એએસઆઇ નરેન્દ્રભાઇ ભદ્રેચાએ ભાવેશ રાઠોડ તેની પત્ની પૂજા રાઠોડ વિરૂધ્ધ ગુનો દાખલ કરી એએસઆઇ રવિભાઇ વાંકે તપાસ હાથ ધરી છે.