Gujarati News

રાજકોટ તા. ૩: ગુજરાત વિધાનસભાની ચૂંટણીની તારીખો આજે ચૂંટણી પંચે જાહેર કરતાં જ રાજકોટમાં રાજકીય પક્ષોના કાર્યાલયોમાં ધમધમાટ શરૂ થઇ ગયો છે. આ વખતે ચાર બેઠકો પર ભાજપ, કોંગ્રેસ અને આપ (આમ આદમી પાર્ટી) વચ્‍ચે જોરદાર ત્રિપાંખીયો જંગ જામશે તે નક્કી સમજાય છે. આ માટે અત્‍યારથી જ જે તે પક્ષના આગેવાનો, કાર્યકરોએ પોતાના ઉમેદવારને જીતાડવા માટે એડીચોટીનું જોર લગાવવાની તૈયારીઓ આરંભી દીધી છે. કોણ જીતશે અને કોને પછડાટ મળશે તેના ગણિત પણ મંડાવાનું શરૂ થઇ ગયું છે. જો કે એ પહેલા ઉમેદવારો કોણ હશે એ તરફ પણ સોૈની નજર મંડાયેલી છે.

ગુજરાત વિધાનસભાની ચૂંટણીનું મતદાન બે તબક્કામાં યોજવામાં આવશે તેવું ચૂંટણી પંચે બપોરે જાહેર કર્યુ હતું. જેમાં પ્રથમ તબક્કાનું મતદાન ૧ ડિસેમ્‍બરે યોજાશે અને તેમાં કચ્‍છ, સુરેન્‍દ્રનગર, મોરબી સહિતની સાથે રાજકોટ પણ સામેલ હોઇ આજથી જ ભાજપ, કોંગ્રેસ, આપના કાર્યાલયોમાં ધમધમાટ શરૂ થઇ ગયો છે. રાજકોટ શહેરની બેઠકો પર આ વખતે જોરદાર ત્રિપાંખીયો જંગ ખેલાશે એ નિﾍીત સમજાઇ રહ્યું છે. ગુજરાતમાં આપ પુરા જોશથી મેદાનમાં ઉતર્યુ હોઇ આ કારણે ભાજપ પણ વધુ તૈયારીઓ સાથે મેદાને આવવા તૈયાર થયું છે. આજથી જ આ તમામ પક્ષોના કાર્યાલયો પર આગેવાનો, કાર્યકરોનો ધમધમાટ શરૂ થઇ ચુક્‍યો છે.  તો બીજી તરફ ભાજપ અને કોંગ્રેસના ઉમેદવારો કોણ હશે તે તરફ પણ સોૈની મીટ મંડાયેલી છે.