Gujarati News

રાજકોટ તા. ૫ : વીરડા વાજડી ગામ વણકરવાસમાં રહેતી પરિણીતાએ પોતાના ઘરે ગળાફાંસો ખાઇ લીધો હતો. પતિ પાણી પીવા માટે જતા પત્નિને રૂમમાં લટકતી હાલતમાં જોતા દેકારો મચાવ્યો હતો અને તેણે ૧૦૮માં જાણ કરતા ૧૦૮ની ટીમે સ્થળ પર પહોંચી ઇએમટી સારસભાઇ બરડેએ તપાસ કરતા પરિણીતાનું મૃત્યુ નિપજ્યું હોવાનું જણાતા પોલીસને જાણ કરવામાં આવી હતી. જાણ થતા યુનિવર્સિટી પોલીસ મથકના એ.એસ.આઇ. અજયસિંહ ચુડાસમા તથા રાઇટર રાકેશભાઇએ તપાસ હાથ ધરી હતી.  મૃતક કોમલબેનના ૮ વર્ષ પહેલા લગ્ન થયા હતા. તેને સંતાનમાં એક પુત્ર અને એક પુત્રી છે તે પતિ સાથે મેટોડા જીઆઇડીસીમાં અગરબત્તીના કારખાનામાં મજૂરી કામ કરતા હતા. તેણે કયાં કારણોસર આ પગલુ ભર્યું તે અંગેનું કારણ જાણવા તપાસ હાથ ધરી છે.