Gujarati News

રાજકોટ તા. પઃ સદ્દગુરૂ આશ્રમ માર્ગ પર આવેલ શ્રી સદ્દગુરૂ સદન ટ્રસ્ટ (પ.પૂ. શ્રી રણછોડદાસજીબાપુ આશ્રમ) ખાતે દર વર્ષની જેમ આ વર્ષે પણ ભાદરવા સુદ-૧ થી ભાદરવા વદ-૩૦ (અમાસ) સુધીમાં ર,રપ,૦૦૦/- (બે લાખ પચ્ચીસ હજાર) શ્રી હનુમાન ચાલિસાના પાઠ કરવાનું ભવ્ય આયોજન કરવામાં આવેલ હતું. ધર્મપ્રેમીભાઇ-બહેનો દ્વારા કરવામાં આવેલા, ર,૯૦,પરર (બે લાખ નેવું હજાર પાંચસો બાવીસ) પાઠ પ. પૂ. શ્રી સદ્દગુરૂદેવ ભગવાનશ્રી રણછોડદાસજીબાપુશ્રીને અર્પણ કરવામાં આવશે. આ ર,રપ,૦૦૦/- (બે લાખ પચ્ચીસ હજાર) શ્રી હનુમાન ચાલિસા પાઠની પૂર્ણાહુતી પ્રસંગે કાલે તા. ૬ બુધવારે ભાદરવી અમાસના દિવસે શ્રી હોમાત્મક યજ્ઞ શ્રી ૧૦૮ હનુમાન ચાલીસા સાથે ભગવાનને અર્પણ કરવામાં આવશે. યજ્ઞનું પુજન ૬-૩૦ કલાકે, યજ્ઞ પ્રારંભ કલાકે, બાહુક બપોરે ૧રઃ૩૦ કલાકે, બિડુ હોમવાનો સમય ૧:૦૦ વાગ્યાનો રહેશે. ધાર્મિક કાર્યક્રમમાં શ્રી હનુમાન ચાલીસીનાં હોમાત્મક યજ્ઞમાં ઉપસ્થિત રહી લાભ લેવા સદ્દગુરૂ સદન ટ્રસ્ટ દ્વારા ભાવભર્યું નિમંત્રણ પાઠવવામાં આવે છે.