Gujarati News

રાજકોટ એન્જીનીયરીંગ એસોસીએશન અને સિનર્જી હોસ્પીટલના સહયોગથી નામાંકિત ડોકટરો સાથે ''વિશ્વ હૃદય દિવસ નિમિતે ફ્રી મેડિકલ કેમ્પ'' એન્જી.એસો.ના કેમ્પસ ખાતે યોજવામાં આવેલ. જેનો અનેક લોકોએ લાભ લીધેલ. આ કેમ્પમાં હોસ્પિટલના નિષ્ણાંત ડોકટરો દ્વારા બ્લડ- સુગર, બી.પી., ઈ.સી.જી.વી. ટેસ્ટીંગ ફ્રીમાં નિદાન કરી અને હૃદય રોગ સામે લેવાના થતાં સાવચેતીની કાળજી રાખવા બાબતે વિગતવાર સમજણ આપવામાં આવેલ. આ કેમ્પમાં આર.એમ.સી.,  રાજકોટના ડેપ્યુટી મેયર શ્રીમતી દર્શિતાબેન શાહ, ડો.નિલેષ માંકડીયા,  ડો.તેજસ પંડયા, ડો.જયેશ ડોબરીયાએ ઉપસ્થિત રહીને બધાને સ્વસ્થ રહેવા શુભેચ્છા આપેલ. આ તકે આર.ઈ.એ.ના પ્રમુખ પરેશ વાસાણીએ ડોકટરોનો આભાર માનેલ. તેઓએ આ અંગે એસોસીએશન દ્વારા જરૂરીયાતના સમયે આવા કાર્યક્રમો ફ્રીમાં યોજવા માટે અને સહાય માટે તત્પરતા વ્યકત કરેલ. આ કેમ્પમાં એસોસીએશનના કારોબારી સદસ્યગણોમાં સર્વે નરેન્દ્ર પાંચાણી- માનદ્ સેક્રેટરી, બ્રીજેશ દૂધાગરા, તેમજ મહેશભાઈ  ડાયરેકટરોએ હાજરી આપેલ.