Gujarati News

રાજકોટ, તા., ૬: ગોંડલના સ્ટેશન પ્લોટમાં થયેલી ચોરીમાં પકડેલા બે શખ્સોની પુછપરછ દરમ્યાન સ્ટેશન પ્લોટમાં જ એક મકાનમાં ૪પ હજારની ચોરી કર્યાની કબુલાત આપી હતી.

મળતી વિગત મુજબ ગોંડલના સ્ટેશન પ્લોટમાં થોડા સમય પહેલા એક મકાનમાં રૂ. ર૦ હજાર રોકડ, કેમેરો સહીત રૂ. ર૭ની ચોરી થઇ હતી. આ બનાવમાં ગોંડલ સીટી પોલીસ મથકના પી.એસ.આઇ. વી.પી.કનારા સહીતના સ્ટાફે ગોંડલના કરણ અશોકભાઇ પરમાર અને સોહીલ ઇકબાલભાઇ શેખને પકડી લીધા હતા. પોલીસે બંનેની પુછપરછ કરતા બંનેએ ગત તા.૧/૨ ના રોજ રાત્રે સ્ટેશન પ્લોટ શેરી નં. ૧૩ માં રહેતા મનીષભાઇ સુરેન્દ્રભાઇ છાંટબાર (ઉ.વ.૪૧)ના મકાનના તાળા તોડી રૂ. ૪પ૦૦૦ની ચોરી કર્યાની કબુલાત આપી હતી.