Gujarati News

Gujarati News

News of Thursday, 6th May 2021

રાજકોટ શહેર-જીલ્લામાં સરકારી અને ખાનગી કોવીડ હોસ્પીટલોમાં કોરોનાના ૪૦ ટકા કેસો ઘટયા છે

છેલ્લા ત્રણ દિવસથી સ્થિતિ સુધરી છેઃ ખાનગી ડોકટરોનું પણ આ જ મંતવ્ય : ઓપીડી-આઇપીડી બંનેમાં ઘટાડોઃ મૃત્યુ પણ ૩ થી ૪ દિવસમાં ઘટશેઃ ડો. રાહુલ ગુપ્તા

રાજકોટ તા. ૬ :.. રાજકોટ શહેર - જીલ્લાના કોવીડ-૧૯ અંગે ખાસ નોડલ ઓફીસર તરીકે મૂકાયેલા અને રાજકોટના ભૂતપૂર્વ કલેકટર ડો. રાહુલ ગુપ્તાએ આજે પત્રકારોને જણાવ્યું હતું કે રાજકોટ શહેર - જીલ્લામાં સરકારી અને ખાનગી હોસ્પીટલોમાં કોરોનાના કેસોમાં ૪૦ ટકા  જેવો ઘટાડો આવ્યો છે, તમામ સ્તરે લાઇનો ઓછી થઇ છે, ત્રણ દિવસથી સ્થિતિ સુધરી છે, અને ખાનગી ડોકટરોનું પણ આ જ મંતવ્ય છે. ડો. રાહુલ ગુપ્તાએ જણાવેલ કે તીવ્રતા પણ ઘટી છે, તથા ખાનગી - સરકારી હોસ્પીટલના રીપોર્ટમાં મેચીંગ પણ થઇ રહ્યું છે, અનુભવી ખાનગી ડોકટરો પણ કેસો ઘટયાનું કહી રહયા છે, ઓપીડી-આઇપીડી બંનેના ઘટાડો નોંધાયો છે.દરરોજ મૃત્યુઆંક વધુ આવી રહ્યો છે, તે અંગે ડો. રાહૂલ ગુપ્તાએ જણાવ્યું હતું કે ૩ થી ૪ દિવસમાં ડેથમાં પણ ઘટાડો આવશે, જે લોકો સિરિયસ પેશન્ટ તરીકે આવ્યા છે, બચવાની કોઇ ઉમ્મીદ ન હોય, અગાઉ દાખલ થયા છે, અને તેમની સ્થિતિ ગંભીર થઇ છે, તેમાંથી અમૂકના ડેથ થઇ રહ્યા છે, પરંતુ હવે કોરોના કેસો ઘટતા મૃત્યુઆંક પણ ઘણો ઓછો થઇ જશે તેમ ડો. રાહૂલ ગુપ્તાએ ઉમેર્યુ હતું.

(3:57 pm IST)
  • રાજકોટમાં અને જીલ્લામાં ૩ સ્થળે સરકારી હોસ્પિટલોની પ્રિમાઈસીસમાં ઓક્સિજન પ્લાન્ટ ઉભા થશે : કલેકટરની મહત્વની જાહેરાત : ૨ ધારાસભ્યોએ પોતાની ગ્રાન્ટમાંથી ૪૦ લાખ રૂપિયા ફાળવ્યા તથા કોર્પોરેટર ક્ષેત્રમાંથી એસબીઆઈ અને લીડ કરતા અધિકારીઓ દ્વારા ૩૭ લાખથી ફાળવણી : જીલ્લામાં ઉપલેટા, ધોરાજી, રાજકોટની પદ્મકુંવરબા હોસ્પિટલ અને જસદણના આરોગ્ય ક્ષેત્રમાં ઓક્સિજન પ્લાન્ટ નખાશે access_time 12:32 pm IST

  • બીજેપી સાંસદ મહિલા સાધ્વી પ્રજ્ઞાની જીભ લપસી : મમતા બેનર્જીને ' તાડકા ' નું સંબોધન કર્યું : ત્રીજી વખત પશ્ચિમ બંગાળના મુખ્યમંત્રી તરીકે મમતા બેનર્જીની સોગંદવિધિ સમયે વિવાદિત વિધાન કરી રાષ્ટ્રપતિ શાસનની માંગ કરી access_time 12:23 pm IST

  • નેપાળમાં પ્રાઈમ મિનિસ્ટર કે.પી.ઓલીની સરકાર સંકટમાં : પુષ્પ કમલ પ્રચંડની પાર્ટીએ સમર્થન પાછું ખેંચ્યું : લઘુમતીમાં આવી જવાથી અવિશ્વાસનો પ્રસ્તાવ રજુ થાય તે પહેલા જ રાજીનામુ આપી દે તેવી શક્યતા access_time 12:36 pm IST