Gujarati News

Gujarati News

News of Thursday, 6th May 2021

કોરોનાએ હાહાકાર મચાવતા રાજકોટનું વેજીટેબલ માર્કેટ યાર્ડ હવે બપોરે ર સુધી ખુલ્લુ રહેશેઃ સવારે ૬થી બપોરે ર સુધી શાક મળશે

વેપારીઓ-મજૂરો-કમિશન એજન્ટો સહિત અનેક લોકોને કોરોના વળગતા આખરે વહીવટી તંત્ર દ્વારા નિર્ણય : ૪૦૦ દુકાનો સજ્જડ બંધ કરી દેવાશેઃ હરરાજીમાં ૧ાા થી ર હજાર સહિત આખો દિ'માં ૮ થી ૧૦ હજાર લોકો આવે છે

રાજકોટ તા. ૬ :.. રાજકોટ જૂના માર્કેટ યાર્ડ કે જે હવે વેજીટેબલ માર્કેટ યાર્ડ તરીકે ઓળખાય છે, ત્યાં કોરોનાએ છેલ્લા ૮ થી ૧૦ દિવસમાં હાહાકાર મચાવતા આજથી અમલમાં આવે તે રીતે માત્ર અર્ધો દિવસ વેજીટેબલ માર્કેટ યાર્ડ ખૂલ્લુ રાખવાની યાર્ડના સત્તાધીશો - વહીવટી તંત્રે જાહેરાત કરી છે, અને તેની જાણ વેપારીઓ - ખેડૂતો- મજૂરો - કમીશન એજન્ટોને કરી દેવાઇ છે.

સાધનોએ ઉમેર્યુ હતું કે છેલ્લા ૮ થી ૧૦ દિવસમાં અનેક વેપારીઓ મજૂરો-કમિશન એજન્ટો ભોગ બન્યા છે, હરરાજીમાં ૧ાા થી ર હજાર લોકો આવે છે, તો આખા દિવસ દરમિયાન ૮ થી ૧૦ હજાર લોકો આવતા હોય, તેમજ માસ્કના નિયમોનો ઉલાળીયો, સોશ્યલ ડીસ્ટન્સનો અભાવ, સેનેટાઇઝની કોઇ વ્યવસ્થા નહિ, આ બધુ જોતા યાર્ડ અર્ધો દિવસ બંધ કરી દેવાની અને બીજી સુચના ન અપાય ત્યાં સુધી આ નિયમ ચાલુ રહેવાની જાહેરાત કરાઇ છે.

ખાસ કરીને ફેરીયાઓ સુપર સ્પ્રેડરની વ્યાખ્યામાં આવી ગયા છે, સંક્રમણ  ખૂબ વધી જતા હવે શાકભાજી યાર્ડ સવારે ૬ થી બપોરે ર સુધી જ ચાલુ રહેશે, અર્ધો દિવસનું  લોકડાઉન લગાવી દેવાયું છે, ૪૦૦ દુકાનોના શટર બપોરે ર વાગ્યે પડી જશે તેમ અધિકારી સૂત્રો ઉમેરી રહ્યા છે. યાર્ડના ઇતિહાસમાં આ પ્રથમ વખત બન્યું છે, ગયા વર્ષે કોરોના હોવા છતાં ચાલુ રખાયેલ, રાત્રે પણ ત્યારે યાર્ડ ચાલુ રખાયું હતું.

(3:59 pm IST)
  • સાણંદ તાલુકામાં સેંકડો મહિલાઓ સોશિયલ ડિસ્ટન્સનો ભંગ કરી મંદિરે પહોંચી : માસ્ક વગર માથે ઘડા મુકી કોરોનાને ખૂલ્લું આમંત્રણ આપ્યું : આયોજક, ડીજેવાળા સહિત ર૩ લોકો સામે ગુનો દાખલ, બળિયાદેવના મંદિરે પાણી રેડવામાં આવે તો કોરોના ભાગી જશે : ગ્રામજનોની માન્યતા access_time 12:55 pm IST

  • પોરબંદરમાં આજે ર૩ મૃતદેહને અગ્‍નીસંસ્‍કાર કરાયો હતો જેમાં ર કોરોનાનો પોઝીટીવ હોવાનું જાણવા મળે છે access_time 10:37 pm IST

  • રાજકોટમાં અને જીલ્લામાં ૩ સ્થળે સરકારી હોસ્પિટલોની પ્રિમાઈસીસમાં ઓક્સિજન પ્લાન્ટ ઉભા થશે : કલેકટરની મહત્વની જાહેરાત : ૨ ધારાસભ્યોએ પોતાની ગ્રાન્ટમાંથી ૪૦ લાખ રૂપિયા ફાળવ્યા તથા કોર્પોરેટર ક્ષેત્રમાંથી એસબીઆઈ અને લીડ કરતા અધિકારીઓ દ્વારા ૩૭ લાખથી ફાળવણી : જીલ્લામાં ઉપલેટા, ધોરાજી, રાજકોટની પદ્મકુંવરબા હોસ્પિટલ અને જસદણના આરોગ્ય ક્ષેત્રમાં ઓક્સિજન પ્લાન્ટ નખાશે access_time 12:32 pm IST